கூட்டுத் தியானத்தை வழி நடத்துவோர் அவசியம் தெரிந்து கொள்ள வேண்டியது

உடலை விட்டுப் பிரிந்து சென்ற குலதெய்வங்களின் உயிரான்மாக்களை உந்திச் சப்தரிஷி மண்டலத்திலே இணையச் செய்யும் பொழுது உடல் பெறும் உணர்வுகள் கரைந்து உயிருடன் ஒன்றிய அறிவின் தன்மை நிலைத்து என்றும் அழியா சரீரம் என்ற நிலையை பெறச் செய்வதே மகரிஷிகள் காட்டி அருள் வழி.

அதற்காக… மாமகரிஷி ஈஸ்வராய குருதேவர் கூறிய வழிப்படி இந்த உபதேசத்தின் வாயிலாக உங்கள் உணர்ச்சிகளை உந்தச் செய்து மகரிஷிகள் சக்திகளைப் பெற உங்களுக்கு அந்தத் தகுதியை ஏற்படுத்துகிறோம்.

1.மகரிஷிகள் காட்டிய அருள் வழியில் நாம் வணங்கி
2.அந்த விநாயகர் தத்துவப் பிரகாரம் வினையைச் சேர்த்திருந்தால்
3.முன்னோர்களை விண்ணுக்குச் செலுத்துவது இக்காலத்தில் எளிதாக இருக்கும்.
4.ஆனால் அரசர்களால் பல போர் முறைகள் கொண்டு இந்தத் தத்துவங்கள் மறைந்தே விட்டது;.. எவருடைய குறையும் இல்லை.

அப்படி மறைந்து வரும் நிலைகளில் இருந்து மகரிஷிகள் காட்டிய உணர்வின் அருள் வழியில் நாம் நமது மூதாதையர்களை விண் செலுத்தி அதனின் துணை கொண்டு அந்தச் சப்தரிஷிகளின் அருள் சக்தியை நாம் பெற்று நமது வாழ்க்கையில் அறியாது வந்த தீவினைகளை அகற்றும் முறை தான் இந்த வழி.

சப்தரிஷிகளின் அருள் சக்தியை நாம் பெற்றுத் தீமைகளை அகற்றி அருள் மகரிஷிகளின் உணர்வுகளைப் பற்றுடன் பற்றி இந்த வாழ்க்கையில் வரும் இன்னல்களில் இருந்து விடுபட்டு இன்னலற்ற உலகான சப்தரிஷி மண்டலத்தை நாம் அடைவதே நமது கடைசி எல்லை. மனிதன் முழுமை அடைவது தான் கல்கி.

கூட்டுத் தியானத்தின் மூலம் நாம் அந்த மகரிஷிகளின் அருள் சக்தியை எடுத்தால் நரசிம்மா. ஆறாவது அறிவின் தன்மை கொண்டு தீமையின் உணர்வுகளை அழித்துத் தீமையற்ற உணர்வின் தன்மையை நமக்குள் விளையச் செய்வது தான் நரசிம்ம அவதாரம் என்பது.

ஞானிகள் தெளிவாக எடுத்துரைத்த இந்த முறையை நாம் வாழ்க்கையில் கடைப்பிடித்தோம் என்றால்
1.இந்த உடலே நமக்கு சொந்தமற்ற நிலையில் இருந்தாலும்
2.இந்த உடலுக்குள் அறிவின் உணர்வின் தன்மை ஒளியாக மாற்றி உயிருடன் ஒன்றி என்றும் அழியா சொந்தமாக்கிக் கொள்ளலாம்.

இது தான் அழியாப் பெருவாழ்வு… அந்த முழுமை நிலை அடைவது தான் நமது கடைசி எல்லை. இந்த மனித வாழ்க்கையில் எத்தகைய நிலைகள் பெற்றாலும் இதுதான்

கோடிச்சாமி என்பவரிடம் சென்று அவரிடம் வேண்டி… தனக்கு இந்த உடல் சுகத்திற்குத் தான் வேண்டினார்கள். ஆக இந்த உடல் வாழ்க்கையின் இச்சைகளைத் தான் அங்கேயும் சென்று வளர்க்க முடிந்தது.

கோடிச்சாமி என்பவரும் இதற்கு முன் அரசனின் நிலைகளில் ஒரு ஆட்சி புரிந்த மகன் தான் அவர். பல மந்திர ஒலிகள் பெற்றாலும்… அதனின் நிலை அடையாது இன்னொரு உடலுக்குள் புகுந்து இந்த உடலில் நின்று அதைப் பெற வேண்டும் என்று ஏகாந்த நிலைகள் கொண்டு எவரிடமும் பேசாது “மௌனமாக இருந்தார்…”

1.கோடி கோடி என்று பேசிய நிலைகள் கொண்டு விண்ணிலிருக்கும் எண்ணிலடங்காத…
2.கோடிக்கணக்கான அந்த உணர்வின் அலைகளை நான் பெற வேண்டும் என்ற எண்ணத்தில் அவர் அந்த தவக்கோலத்தில் இருந்தார்.

இருப்பினும் கோடிச்சாமியிடம் நாம் சென்று எனக்கு இந்த உடல் இச்சைக்கு கிடைக்குமா…? பொருள் கிடைக்குமா…? என்று தான் ஏங்கினார்கள்.

அந்த அருள் ஞானி தான் உயர்ந்த நிலைகள் பெற வேண்டும் என்ற தவத்தின் நிலைகளில் பெற்றாலும் முழுமையின் நிலைகள் அறியாது இன்னொரு உடலுக்குள் புகுந்து அதனின் நிலைகளில் மௌனம் சாதித்து இந்த உடலை விட்டு அகன்றாலும் இன்னொரு உடலுக்குள் இதே நிலைகளை தான் செய்யும்.

அத்தகைய ஆன்மாக்கள் பிறருக்குத் துன்பம் இல்லாத நிலைகள் கொண்டு அவர்கள் எடுத்துக் கொண்ட உண்மையின் தன்மை நல் பாதையைப் பெற வேண்டும் என்றாலும் காலத்தால் அவர் அறிய முடியாத நிலைகள் இருந்த்து.

1.பிறருக்குத் தீங்கில்லாத நிலை கொண்டு செயல்பட்ட இந்த உயிரான்மாவிற்கு…
2.அது நமது குருநாதர் காட்டிய அருள் வழியில் சப்தரிஷி மண்டலத்துடன் இணைந்து
3.பிறவா நிலை என்ற பெருநிலை அடையட்டும் என்ற இந்த நிலையை நாம் அனைவரும் எண்ணலாம்.

யார் யார் எல்லாம் அவரைப் போய்ச் சென்று பார்த்தார்களோ அவர்களெல்லாம் இந்த உணர்வை வளர்த்தால் அவர் விண் சென்றால் நாமும் அந்த நல்ல நிலைகளை அடைய முடியும்.

அப்படி அல்லாது அவர் மகான் என்ற நிலைகள் அவரிடம் சென்று நம் இச்சையின் நிலைகளை வளர்த்துக் கொண்டால்… அது தான் அங்கேயும் வளருமே தவிர அந்த அருள் ஞானி விண் செல்லவும் முடியாது. அதை நாம் பெறவும் முடியாது.

ஆகவே உடலை விட்டுப் பிரிந்து சென்ற இந்த ஆன்மா சப்தரிஷி மண்டலத்துடன் இணைந்தால் அதனின் துணை கொண்டு நாமும் அந்த நல்ல நிலைகள் அடைய இது உதவும்.

இதைப் போன்று
1.எவர் எவரேனும் உடலை விட்டுப் பிரிந்து சென்றால்
2.கூட்டுத் தியானத்தில் அமைந்துள்ளவர்கள் அவர்களை விண் செலுத்தினால்தான்
3.விண்ணின் ஆற்றலை நமக்குள் பெருக்கும் நிலை வருகின்றது.

இந்த உடல் நமக்குச் சொந்தமில்லை… எந்த நிலையிலும் இந்த உடலை விட்டு இந்த உயிரான்மா பிரிய முடியும். அப்படிப் பிரிந்தாலும் அந்த சப்தரிஷிகளின் உணர்வின் சக்தியைப் பற்றுடன் பற்றி விட்டால் நாம் அங்கே சென்றடையலாம்.

ஆனால் புவியின் பற்றை வளர்த்துக் கொண்டால் இந்தப் பற்றின் துணை கொண்டு இன்னொரு மனிதனுக்குள் சென்றாலும் மனிதனாகப் பிறக்காது. இந்த உடலில் விளைவித்த உணர்வின் தன்மை கொண்டு தான் இன்னொரு உடலில் புகுந்து தீமையைத் தான் மீண்டும் விளைவிக்கும்.
1..மீண்டும் அந்த உடலையும் மாய்த்து விட்டு
2.மீண்டும் மனித உடலே பெற முடியாத நிலையைத் தான் உருவாக்கும்.

ஜமீனின் நிலைகளில் இருந்து வந்த மகா கோடிச்சாமி என்பவர் அவரின் உணர்வின் தன்மை கொண்டு இன்னொரு கூடு தான் புக முடியும். ஆனால் அவரை விண் செலுத்தி விட்டால் அந்த விண்ணின் ஆற்றல் வெளிவரும் போது அவரின் துணையால் விண்ணின் ஆற்றலை நாம் பருக முடியும்.

ஆகவே இனி நமது எல்லை எதுவாக இருக்க வேண்டும் என்பதைச் சற்று சிந்தியுங்கள்.

கூட்டுத் தியானத்தில் கலந்து கொண்டோர் அனைவரும் இந்த வாழ்க்கையில் எந்த நிலையில் எவரிடத்திலும் எந்தச் சூழ்நிலையில் நாம் கற்றுக் கொண்டாலும் பார்த்து உணர்ந்தாலும் கஷ்டமோ நஷ்டமோ, வேதனையோ, துயரமோ இதையெல்லாம் கேட்டு அறிந்தாலும் அதிலிருந்து நாம் விடுபட வேண்டும்.

இப்போது கொடுக்கும் இந்த உணர்வின் சக்தியின் துணை கொண்டு அந்த சப்தரிஷி மண்டலங்களை எண்ணி… சப்தரிஷிகளின் அருள் சக்தியை எண்ணி உங்கள் உடலுக்குள் அதை உட்செலுத்துங்கள்.

இந்த வாழ்க்கையில் கேட்டு அறிந்த தீமைகளைத் தூய்மைப்படுத்திவிட்டு இதைப் பற்றற்றதாக ஆக்கி அந்தச் சப்தரிஷிகளின் அருள் சக்தியை நீங்கள் பற்றுடன் பற்றி… என்றுமே அந்தச் சப்தரிஷிகள் வாழ்ந்திடும் அருள் வட்டத்தில் நாம் இணைவோம்.

இந்த வாழ்க்கையில் அந்த அழியாச் செல்வத்தை நாம் பெற முடியும் என்ற இந்த நம்பிக்கையுடன் வாழ்வோம்.

இந்த உடல் என்றும் நமக்கு சதம் இல்லை இந்த உடலை விட்டு இந்த உயிரான்மா சென்று விட்டால் இந்த உடலிலே விளைய வைத்த உணர்வு தான் அடுத்த உடலை உருவாக்குகின்றது.

1.அடுத்து இன்னொரு உடல் அற்ற நிலைகளில் இந்த உடலிலிருந்தே ஒளியின் சரீரமாக நிலை பெற்றோம் என்றால்
2.பிறவா நிலை என்ற பெருவீடு பெருநிலை அடைந்து என்றும் துன்பம் இல்லாத நிலையாக
3.தூங்காமல் தூங்குவது என்ற பேரானந்தப் பெருநிலை அடைய முடியும்.

ஆறாவது அறிவின் தன்மை கொண்டு தனக்குள் உருவாக்கிக் கொள்ளும் நிலைகள் இது. அது தான் பிரம்மாவைச் சிறைப்பிடித்தான் முருகன்.

ஆறாவது அறிவின் துணை கொண்டு நாம் சப்தரிஷிகளின் அருள் சக்தியை இந்த உடலிலே உருவாக்கி அந்த உணர்வின் தன்மை கொண்டு என்றும் அழியா சரீரமாக நாம் பெறும் நிலை தான் மாமகரிஷி ஈஸ்வராய குருதேவர் காட்டிய அருள் வழி.

அவர் வழியில் அருள் ஞானம் பெறுவோம் என்று பிரார்த்தித்துக் கொள்கின்றேன்.

ஒவ்வொரு நிமிடத்திலும் உங்கள் குடும்பத்தில் உங்கள் வாழ்க்கையில் எத்தகைய நிலை வரினும்…
1.சப்தரிஷிகளின் அருள் சக்தியைப் பெற வேண்டும் என்று ஏங்கிப் பெறுங்கள்.
2.எங்கள் குடும்பத்தில் சிரமங்கள் நீங்க வேண்டும் என்று எண்ணுங்கள்;
3.எங்கள் குடும்பத்தில் உடல் நலம் மன பலம் மன வளம் பெற வேண்டும் என்று எண்ணுங்கள்;
4.எங்கள் தொழில்கள் ஓங்கி வளர வேண்டும் என்று எண்ணுங்கள்.

முன்னோர்களை விண் செலுத்தியவருக்கே மகரிஷிகளின் அருள் சக்தி கிடைக்கும்

1.சப்தரிஷி மண்டலத்தின் உணர்வை உங்களுக்குள் வலுப் பெறச் செய்து
2.நம்மைச் சார்ந்து… நம்முடன் வாழ்ந்து வளர்ந்து உடலை விட்டுப் பிரிந்து சென்ற உயிரான்மாக்களை
3.அனைவரும் ஒன்று சேர்ந்து உந்தித் தள்ளி
4.அந்தச் சப்தரிஷி மண்டலத்துடன் விண்வெளியிலே இணைக்க வேண்டும்.

அங்கே இணைக்கப்படும் பொழுது அந்த ஆன்மாக்கள் உடலில் பட்ட நஞ்சுகள் கரைகின்றது. உயிரால் வளர்க்கப்பட்ட உணர்வின் அறிவு உயிருடன் ஒன்றி நிலைக்கின்றது.

பின் அந்த அறிவு கொண்டு சப்தரிஷிகளின் உணர்வை உணவாக எடுத்து ஒளியின் சரீரமாக அவர்கள் பெருவீடு பெருநிலை அடைகிறார்கள்.

முன்னோரின் உணர்வுகள் நமக்குள் உண்டு. அவர்களை நாம் விண்ணுக்கு உந்தி வீசிய உணர்வுகள் விண்ணிலே இணைக்கப்படும் பொழுது அவர்களின் துணை கொண்டு…
1.அந்த ரிஷியுடன் ரிஷியாக ஒன்றிய உணர்வின் துணை கொண்டு
2.அந்தச் சப்தரிஷிகளின் அருள் சக்திகளை எண்ணும் பொழுதெல்லாம் நாம் பெற முடியும்.

இந்த வாழ்க்கையில் நாம் தவறு செய்யாமலேயே தவறு செய்பவர்களை உற்றுப் பார்த்தாலும் அந்த்த் தவறான உணர்வு நமக்குள் நுழையாதபடி… அந்த சப்தரிஷிகளின் அருள் சக்தி நாங்கள் பெற வேண்டும் என்று பல முறை எண்ணினால் அதைத் தூய்மைப்படுத்த முடியும்.

யார் தவறு செய்கிராரோ அந்தச் சப்தரிஷிகளின் அருள் சக்தியால் பொருள் காணும் திறன் அவர்கள் பெற வேண்டும் என்று நாம் எண்ணினோம் என்றால் அந்தத் தவறுகள் நமக்குள் வராது. இப்படி அந்த உணர்வால் நம்மைக் காத்துக் கொள்கின்றோம்.

உடலை விட்டுப் பிரிந்து சென்ற ஆன்மாக்களைச் சப்தரிஷி மண்டலத்துடன் உந்தித் தள்ளினால் தான் அந்த ஆற்றலைப் பெறும் தகுதி பெறுகின்றோம்.
1.இல்லை என்றால் பெற முடியாது.
2.அதைப் பெறுவோம் என்று சொன்னாலும் “அது தவறான வழி தான்…”

ஆஅகவே.. குருநாதர் காட்டிய அருள் வழியில் முன்னோர்களின் ஆன்மாக்களை விண் செலுத்தினால்தான் அவரின் துணை கொண்டு அந்தச் சக்தியையே பெற முடியும்.

அதற்குத் தான் எமது குருநாதர் காட்டிய அருள் வழியினை மீண்டும் மீண்டும் உங்களுக்கு ஞாபகப்படுத்துகின்றோம்.

நம்முடன் வாழ்ந்தவர்கள் எந்த நிலையில் உடலை விட்டுப் பிரிந்து சென்றாலும் சரி… அல்லது துர்மரணமே அடைந்திருந்தாலும் அவர்கள் யார் மீது பற்று கொண்டார்களோ அந்த உடலுக்குள் இந்த உயிரான்மா அங்கே சென்று விடும்.

அவ்வாறு சென்று விட்டால் இந்த மரணம் அடைந்த உணர்வின் செயல் எதுவோ அந்த உடலிலிருந்து அது இயக்கும்.

அவ்வாறு இருந்தாலும் கூட்டுத் தியானங்கள் மூலமாகச் சப்தரிஷிகளின் அருள் சக்தி நாங்கள் பெற வேண்டும். உடலில் உள்ள ஜீவான்மாக்கள் பெற வேண்டும் என்று இந்த உணர்வுகளை நாம் அடிக்கடி செயல்படுத்தி வந்தால்
1.துர்மரணம் அடைந்த உணர்வுகள் செயலற்றதாக மாறி
2.சப்தரிஷிகளுடன் இணைத்து இணைத்து நம் உணர்வுகளை நல்லதாக்கவும்
3.அவர்களையும் நாம் ஒளியாக்க முடியும்.

இந்த உடலை விட்டுச் சென்றாலும் அந்தச் சப்தரிஷிகளின் அருள் சக்தி பெற வேண்டும் என்று எண்ணும் போது நம்முடன் உறுதுணையாக இருந்த அவரும் பிறவா நிலை பெற முடியும்.

இது தான் ஞானிகள் காட்டிய நிலைகள்.

இம்முறைப்படி செய்தால்… சொந்தமோ பந்தமோ நம்மிடம் பாச நிலைகள் கொண்டிருந்தாலும் அவர்கள் வேதனைப்பட்ட உணர்வுகள் நமக்குள் இயங்காது அந்த வேதனையாக நமக்குள் உருவாகாதபடி இன்னொரு உடல் பெறும் நிலைகளைத் தடைப்படுத்தும்.

நம் உடலில் அந்த ஆன்மக்கள் புகுந்திருந்தாலும் இவ்வாறு முன்னோர்களை விண் செலுத்தினால் அந்த உணர்வின் துணை கொண்டு
1.அந்த ஜீவான்மாக்களுக்கும் நல்ல வழி கிடைக்கின்றது.
2.நமக்குள் இருக்கும் ஜீவ அணுக்களுக்கும் அந்த சப்தரிஷிகளின் அருள் சக்திகளைக் கிடைக்கச் செய்ய முடிகின்றது.

ஒவ்வொரு நாளும் தலையாயக் கடமையாக இதை நாம் செயல்படுத்துதல் வேண்டும்.

பேரண்டத்தில் உள்ள ஒவ்வொரு சூரியக் குடும்பத்திலும் ஒளியாக வாழும் உயிரான்மாக்கள் உண்டு

பல இலட்சம் ஆண்டுகளுக்கு முன் வாழ்ந்த அகஸ்தியனைப் பற்றி இங்கே உபதேசிக்கும் பொழுது… அவன் கண்ட உணர்வுகளை நீங்கள் நுகர நுகர… அந்த அணுக்கருக்களாகப் படிப்படியாக உங்கள் உடலுக்குள் மாற்றம் ஆகும்.

அதை மீண்டும் நீங்கள் நினைவுக்குக் கொண்டு வந்தால் அந்த உணர்வின் சத்தாக உங்களுக்குள் மாறி அதன் வழி கொண்டு தீமைகளை அகற்றிடும் அணுக்கள் பெருகும்.

அத்தகைய அணுக்கள் பெருகினால்…
1.பிறவியில்லா நிலை அடைந்து வாழ்ந்து கொண்டிருக்கும் அந்த அகஸ்தியரிடம் அழைத்துச் செல்லும்
2,அடுத்து நாம் பிறவியில்லா நிலையை அடையலாம்.

உதாரணமாக ஒரு நண்பர் வேதனைப்படுவதை நாம் பார்க்கின்றோம். அந்த வேதனையை அதிகமாக நாம் நேசித்து விட்டால் அவரின் உனர்வு நமக்குள் விளையத் தொடங்குகிரது.

ஆனால் நண்பர் உடலில் வேதனை அணுக்கள் பெருகி வளர்ந்த நிலையில் நோயை விளைய வைத்த அந்த உயிரான்மா வெளி வந்துவிடுகிறது.

வெளி வந்தபின் நம் உடலில் புகுந்து விடும். ஏனென்றால் அவருடைய உணர்வு நம் உடல் வலிமையாக இருக்கும் பொழுது நமக்குள் வந்துவிடுகின்றது

உதாரணமாக ஒரு ஆடு நரியைப் பார்த்து அதனுடைய வேக உணர்வைக் கண்டு அஞ்சி… அதையே சுவாசித்தது என்றால் நரியின் உணர்வை ஆடு நுகர… நுகர… அந்த நரியின் வலுவான உணர்வு ஆட்டின் உடலுக்குள் வந்த பின் நோயாக மாறுகின்றது.

பின் நரியை எண்ணி எண்ணி இந்த உடலின் தன்மை வலுப் பெற்று விட்டால் ஆடு மடிந்த பின் உடலை விட்டு வெளி வரும் ஆட்டின் உயிரான்மா நரியின் உடலுக்குள் சென்று பரிணாம வளர்ச்சியில் நரியாக விளைகின்றது.

இப்படித் தான் நாம் பரிணாம வளர்ச்சியில் பல கோடிச் சரீரங்களைப் பெற்று மனிதனாக இன்று வந்துள்ளோம். ஆனால் நோயுற்றவரின் உணர்வுகளை நமக்குள் அதிகமாகப் பெருக்கிய பின் அதே நோயின் தன்மை நமக்குள்ளும் வளர்கிறது.

நோயினால்…
1.நம் உடலை உருவாக்கிய நல்ல அணுக்களின் வளர்ச்சி குன்றி… விஷத்தின் தன்மை அதிகமாகப் பெருகி
2.எந்த மனிதன் பாசத்துடன் நம்மை அதிகமாக நேசித்தானோ
3.நாம் இறந்தபின் அந்த உடலுக்குள் தான் செல்வோம்… நம் இருப்பிடம் அதுதான்

ஆனால் இந்த மனிதனின் வாழ்க்கையில் முழுமை பெற்ற ஞானிகளும் மகரிஷிகளும் பிறவியில்லா நிலையை அடைந்து அகண்ட அண்டத்தில் இன்றும் ஒளியின் சுடராக வாழ்ந்து கொண்டுள்ளார்கள்.

1.இறப்பும் இல்லை பிறப்பும் இல்லை என்று முடிவடைந்த அந்த உயிர்கள்
2.அகண்ட அண்டத்தில் எங்கே… எது… உருவானாலும்
3.அதனின் உணர்வை ஒளியாக மாற்றி என்றும் பதினாறு என்ற நிலையில் வாழ்ந்து கொண்டுள்ளனர்.
3.இப்படி ஒவ்வொரு பிரபஞ்சத்திலும் ஒளியாக ஆனவர்கள் உண்டு.

நம் சூரியக் குடும்பம் மட்டும் இந்த அண்டத்தில் வாழவில்லை. எண்ணிலடங்காத சூரியக் குடும்பங்கள் உண்டு ஒவ்வொரு சூரியக் குடும்பத்திலும் நம் பூமியைப் போன்று ஒரு பூமி உண்டு.

அதிலே வடித்த உணர்வுகள்… அதிலே உருவான உயிர்களுக்கு ஒளியாக மாறும் ஆற்றலும் உண்டு, அத்தகைய நிலையை நாமும் பெறுவதற்குத் தான் இந்த உபதேசம்.

குருநாதர் எனக்கு நேரடியாகக் காட்டியதைத் தான் உங்களிடம் சொல்கிறேன்

எந்தத் துருவ மகரிஷி துருவ நட்சத்திரமாக ஆனானோ அதிலிருந்து வரும் சக்திகள் இந்தப் பூமியிலே படர்ந்துள்ளது. அதை நுகரும் திறன் நாம் பெற வேண்டும். துருவ நட்சத்திரத்தின் சக்தியை நாம் நுகர்ந்து அதை வளர்க்க வேண்டும். அனைவரையும் பெறச் செய்ய வேண்டும்.

பின் அதனின் உணர்வை வலுவாக இயக்கப்படும் பொழுது தீமைகளை அது கரைத்து விடும்.

விறகுக் கட்டைக்குள் இருக்கும் எண்ணெய்ச் சத்து நெருப்பை வைத்து எரிக்கப்படும் பொழுது கட்டையைக் கருக்கிவிட்டு ஒளியாக மாற்றுகின்றது.

இதைப் போல
1.தீமையை உருவாக்கும் வீரியச் சத்தை மகரிஷிகள் ஒளி கொண்டு எரித்து ஒளியாக மாற்ற வேண்டும்.
2.ஏனென்றால் அப்படி ஒளியாக மாற்றியவர்கள் தான் மகரிஷிகள்.

ஆகவே எந்தத் தீமை வந்தாலும் அந்தத் தீமைகளை மகரிஷிகளின் உணர்வு கொண்டு கருக்கி விட்டு ஒளியின் தன்மையாக மாற்றிக் கொண்டே இருக்க வேண்டும்.

அப்படி மாற்றப்பட்ட நிலைகள் அருள் ஞானிகள் உணர்வை இணைத்து விட்டால்
1.தன்னிச்சையாக நமக்குள் இருக்கும் தீமைகளை எரிபொருளாக மாற்றி
2.அதனை ஒளியின் சக்தியாக மாற்றும் தன்மை வருகின்றது.
3.இதையெல்லாம் குருநாதர் எமக்கு நேரடியாகக் காட்டுகின்றார்.

நான் சொல்வதெல்லாம் உங்களுக்கு அதிசயமாகத் தெரியலாம். ஆனால் இதையெல்லாம் நீங்கள் பார்க்கும் பொழுது என்னிடம் சொல்வீர்கள். சாமி… இதையெல்லாம் என்னால் பார்க்க முடிந்தது… என்னால் தீமைகளைப் போக்க முடிந்தது என்ற அந்த மகிழ்ச்சியான நிலைகள் உங்களுக்குள் வரும்.

நான் ஒன்றும் அறியாதவன் தான் இத்தனையும் பேசுகின்றேன். எங்கிருந்து பேசுகின்றேன்…? குருநாதர் பதிய வைத்தது எனக்குள் விளந்தது தான் அவ்வாறு இயக்குகிறது.

1.நான் புத்தகங்களைப் படித்ததும் இல்லை… படிக்க விரும்பவும் இல்லை
2.படித்தாலும் அர்த்தம் புரிவதில்லை.

ஒவ்வொருவரும் ஒவ்வொரு விதமாக எழுதி இருப்பார்கள். திருவள்ளுவர் திருக்குறளைப் பாடியிருக்கிறார் என்றால் படித்தவர்களுக்கு அதனுடைய விளக்கம் தெரியும். நான் படித்தால் எனக்கு என்ன அர்த்தம் தெரியும்…?

இராமாயணத்தைக் கவியாகப் பாடி உள்ளார்கள். எனக்கு என்ன அர்த்தம் தெரியும்…? கவி தெரிந்தவர்கள் விளக்கம் சொன்னால் சரியாக இருக்கும்.

ஆனாலும் அவரவர்கள் உணர்வுகளை இணைத்துக் கொள்ளும் பொழுது ஒவ்வொருவரும் ஒவ்வொரு விதமாகச் சொல்வார்கள்.
1.வேறு விதமாக அமைந்து விடுகிறது.
2.படித்ததன் உணர்வுகள் அதனுடன் ஒன்றிச் செயல்படும் பொழுது
3.அதற்கொப்பத் தான் அவர்கள் உணர்வின் எண்ணங்களும் செயல்களும் வருகின்றது
4.அந்தக் கருத்தைக் கேட்பவர்களுக்கும் உணர்வுகள் மாறுகின்றது.

கணவன் மனைவி இணைந்து பேரண்டத்தைச் சிருஷ்டிக்கும் ஆற்றல்

கணவன் மனைவி இருவரும் ஒருவருக்கொருவர் நமது குருநாதர் காட்டிய அருள் வழியில் ஆத்ம சுத்தி செய்து பழகிக் கொள்ளுங்கள்.
1.சரீரங்கள் இரண்டாக இருந்தாலும் பெண்களுக்குண்டான அமில சக்திகள் அதிகம்.
2.மகரிஷிகள் அருள் சக்தி பெற வேண்டும் என்று இருவருமே அடிக்கடி எண்ணினால் ஆற்றல்மிக்க சக்திகளைப் பெற முடிகின்றது.

உடலை விட்டு உயிராத்மாக்கள் சப்தரிஷி மண்டலம் சென்றாலும்
1.ஒரே சரீரமாக அங்கே இயங்கி… அதாவது ரிஷி சக்தியின் தன்மையில் ஒரு கோளாக ஒரு நட்சத்திரமாக இயங்கி
2.பேரண்டத்தையும் தனக்குள் சிருஷ்டிக்க முடியும்.

ஒரு பிரபஞ்சத்தை சூரியன் எப்படி ஆட்டிப் படைக்கின்றதோ அதைப் போல சப்தரிஷி மண்டலம் என்பது கணவன் மனைவியினுடைய நிலைகளில் இரு உயிராத்மாக்களும் ஒரே உயிராத்மாவாக ஆகும் பொழுது தான் ரிஷியின் சிருஷ்டிக்கும் தன்மை பெறுகின்றது.

பேரண்டத்தின் பேருண்மையின் நிலைகள்… நட்சத்திரங்களிலிருந்து பல அலைகள் எப்படித் தெரிகின்றதோ இதைப் போன்று வெளிப்படும் உணர்வலைகள் மண்டலங்களாகச் சுழன்று கொண்டு புறத்திலிருந்து வரக்கூடிய பல உணர்வின் ஆற்றல்களை அது மாய்த்து அதற்குள் நின்று தனக்குள் பாதுகாப்பான நிலைகளைச் செயல்படுத்தும்.

மனிதர்களாக இருக்கக்கூடியவர்கள் கோபமான உணர்வைச் செலுத்தி விட்டால் இந்த உணர்வலைகள் நம் ஆத்மாவின் முன் நின்று அந்தக் குணத்தின் தன்மையைக் காக்க அதே உணர்வைச் சுவாசித்து அந்த உணர்வு கொண்டே நாம் செயல்படுகின்றோம்.

இதைப் போன்று தான் வேப்பமரம் கசப்பின் தன்மையைத் தனக்குள் எடுத்துக் கொண்டால் அந்த மணம் அந்த மரத்திற்கு முன்பு அதிகமாக வரும் போது கசப்பின் தன்மையைத் தவிர மற்ற அலைகளைத் தனக்குள் வராதபடி பாதுகாப்பாக வளர்த்துக் கொள்கின்றது.

இதைப் போன்றுதான்
1.மனித உடலுக்குள் இரு சரீரங்களும் ஒரு சரீரமாக ஆகிச் சப்தரிஷி மண்டலங்களாகச் செயல்படும் போது
2.இந்த உணர்வுகள் பாசத்துடன் ஒரே குடும்பமாக ஒரே எண்ணமாக அது வளர்ச்சி பெறும் நிலை வருகின்றது.

அப்படி இரு சரீரங்களும் ஒன்று சேர்ந்து எடுத்துக் கொள்ளும் இந்த உணர்வலைகள் தன் ஆத்மாவாகப் படைக்கச் செய்து விண்ணிலிருந்து வரும் ஆற்றல்களை அணு சக்தியாக மாற்றித் தன் உணர்வின் ஆகாரமாக எடுத்துக் கொள்கின்றது.

அதனின் கூட்டுக்குள் (சப்தரிஷி மண்டலக் கூட்டிற்குள்) எப்படி ஒரு சூரியக் குடும்பம் ஒரு பிரபஞ்சமாகத் தோன்றி அகண்ட நிலைகள் பெற்றதோ இதைப் போன்று
1.நம் உயிராத்மா விண்ணிலே வரக்கூடிய உணர்வின் ஆற்றல் மிக்க தன்மையைத் தனக்குள் பிரபஞ்சமாக அமைத்துக் கொண்டு
2.விண்ணின் ஆற்றலை நுண் அணுக்களாக மாற்றி அந்த அணுவிற்குள் அணுவாக நின்று ஆற்றல்மிக்க சக்தியாக
3.என்றும் பதினாறு என்ற நிலையை நாம் அனைவரும் பெற முடியும்.

ஓ…ம் நமச்சிவாய…! ஹரி ஓ…ம் நமோ நாராயணா…!

மதத்தின் அடிப்படையில் ஆண்டவன் நாமத்தை ஜெபித்துக் கொண்டே இருந்தால்.. அந்த ஒன்றை மட்டும் சொல்லிக் கொண்டேயிருந்தால் “இறைவனை அடையலாம்…” என்ற நிலையில் அன்று செயல்பட்டவர்கள் பலர் உண்டு.

சிவத் தத்துவப் பிரகாரம்
1.ஓம் நமச்சிவாய… ஓம் நமச்சிவாய…! என்று தொடர்ந்து ஜெபித்து இந்த உணர்வை இயக்கப்படும் பொழுது
2.இந்த உடல் எப்படி இருந்ததோ இந்த உணர்வின் இயக்கத்தைத் தொடர்பு கொண்டு
3.தன் உடலில் உள்ள அணுக்களைத் தன்னுடன் இணைக்கக் கற்றுக் கொள்கின்றார்கள்.

அந்த உணர்வின் ஒலிக் கற்றைகள் மூடிவிட்டாலும் இதே உணர்வுகள் நுகரப்பட்டு
1.வெப்பத்தின் துணை கொண்டு உடலில் இயங்கிக் கொண்டே இருக்கும்.
2.இந்த உணர்வுகள் எதுவோ கடைசி நிமிடம் இந்த உணர்வுகள் எல்லாவற்றிலும் உயிரைப் போல இந்த உணர்வுகள் அடங்கிவிடும்.
3.அதாவது.. ஓம் நமச்சிவாய… ஓம் நமச்சிவாய… ஒலியின் உணர்வுகள் மீண்டும் வந்து கொண்டிருக்கும்… அதன் இயக்கமாக மாற்றி விடுகின்றது.

இந்த உணர்வின் ஒலி அதிர்வுகள் உடலில் உள்ள அணுக்களுக்குள் ஆனபின் “உடல் இருக்கும்… ரசங்கள் குன்றும்… உடல் நலியும்… ஆனால் அதற்குள்ளே தான் இருக்கும்…”

இது எப்படி இருக்கிறது…? என்பதை எனக்குக் காட்டுவதற்குத் தான் இமயமலைச் சாரலில் இரண்டு மூன்று இடங்களுக்கு குருநாதர் அழைத்துச் செல்கிறார்.

முதலில்… மரத்தின் அடியில் இருந்து வெளிவரும் நிலையும்… அதற்காக வேண்டி வெள்ளத்தை வரவழைக்கச் செய்து அதனால் கரைந்து வரப்படும் பொழுது ஓம் நமச்சிவாய என்று உடலுக்குள் தான் சிறைப்பட்டுள்ளார். அதற்கு மேல் தெரியாது… உடலின் உணர்வுக்குச் செல்கின்றார்.

கரைத்த பின் வேறு வழி இல்லை. அடைப்பட்ட நிலையில் அங்கே எதிரொலி இந்த உணர்வின் ஒலி வரப்பப்படும் பொழுது அவருக்கு மிகக் கஷ்டமாகின்றது.

அவரை நீ நேரடியாகப் பார்க்காதே…! என்றார் குருநாதர். காரணம் அவர்கள் வலுப்பெற்றவர்கள்.
1.அவரை எண்ணி இந்த உணர்வை எடுத்தால் அவருக்குச் சேரும்.
2.அதிகாலை 4 மணிக்கு அந்தத் துருவ நட்சத்திரத்தின் உணர்வை எடுத்து
3.அவர் பெற வேண்டும் என்று இந்த உணர்வைச் செலுத்தப்படும் பொழுது அவர் ஈர்ப்பார்.
4.இந்த உடலை விட்டு ஆன்மா வெளி வரும்.
5.இருளுக்குள் அடைந்திருந்த உணர்வுகள் ஒளியாக மாறும் சந்தர்ப்பம் வரும்.

அதை நீ செய் என்றார்.

இதே போன்று ஜோஸ்மெட்டிற்கு மேலே என்னை அழைத்துச் செல்கின்றார். அங்கே புதையுண்டிருக்கின்றார்கள். அந்த இடம் ராணுவப் பாதுகாப்பிலே இருக்கின்றது.

அங்கே ஒரு பெரிய ஓடை வருகின்றது… அதிலே திட்டுகள் இருக்கின்றது. மழை பெய்தால் நீர் வரும். ஆனால் திட்டுகளின் ஓரங்களில் அடங்கியுள்ளார்கள்.

ஹரி ஓம் நமோ நாராயணா… ஹரி ஓம் நமோ நாராயணா…! என்று சொல்லிக் கொண்டிருக்கின்றார்கள். அதாவது ஹரி ஓம் நமோ நாராயணா என்றால் சூரியனின் இயக்க நிலை. இந்த ஒலியை எடுத்து உணர்வாக இந்த உடலிலேயே அடங்கி இருக்கின்றார்கள்.
1.இது எல்லாம் குருநாதர் நேரடியாகக் காட்டிய நிலைகள்.
2.செவியை வைத்து அந்தச் சப்தங்களைக் கேட்கும்படி சொல்கின்றார் குருநாதர்.

அப்பொழுது அந்த ராணுவத்தினர் தமிழ் தெரிந்தவர்கள் என்ன பார்க்கின்றீர்கள்…? என்று என்னிடம் கேட்கின்றார்.

ஆனால் “அந்தச் சப்தத்தை நான் கேட்கின்றேன்…” என்று அவரிடம் சொல்ல வேண்டாம் என்று குருநாதர் சொல்லிவிட்டார். சும்மா தான் பார்க்கின்றேன்… இந்த ஊரில்… மலை பிரதேசங்களில் ஏதாவது நிலநடுக்கம் வருகின்றதா…? என்று அவரிடம் சொல்கின்றேன்.

அப்படியா…! என்று கேட்டுக் கொண்டார். அந்தக் குளிர் பிரதேசத்தில் அவர்கள் எல்லோரும் சட்டை அணிந்து இருக்கின்றார்கள். நான் வெறும் கோவணத் துணி தான் கட்டிக் கொண்டு செல்கின்றேன்.

குருநாதர் சொன்ன உணரவின் ஒலியை எடுக்கப்படும் பொழுது எனக்கு அந்தக் குளிர் பாதிக்கவில்லை. இதையெல்லாம் பார்த்துவிட்டு… ராணுவத்தினர் என்னிடம் ஆசீர்வாதம் வாங்க வருகின்றார்கள்.

அங்கே என்னிடம் வேறு ஒன்றும் இல்லை. அங்கிருந்த மணலைத் தான் எடுத்து ஆசீர்வாதமாகக் கொடுத்தேன்… உங்களுக்கு நல்லதாகும் என்று சொன்னேன். சந்தோஷமாக வாங்கிச் சென்றார்கள்.

ஹரி ஓம் நமோ நாராயணா… ஹரி ஓம் நமோ நாராயணா… என்று சொன்னாலும் சூரியனின் தொடப்ரில் தான் வருகிறது.
1.இந்தக் கூட்டை விட்டு வெளியே வந்தால் சூரியனுடைய சக்தியால் தான் மீண்டும் கவரப்படும்.
2.அவர் எந்த ஒலியின் உணர்வைப் பெற்றாரோ அதன் உணர்வின் தன்மை தான் மீண்டும் வரும்.

இந்த உடலுக்குள் எப்படி அவர்கள் ஒடுங்கினார்களோ இன்னொரு உடலுக்குள் சென்றால் அங்கேயும் இதே நிலையைத் தான் உட்கார வைக்கும். அந்த உடலில் மீண்டும் இதே முயற்சியை எடுக்கும்.

ஹரி ஓம் நமோ நாராயணா…! என்கிற பொழுது
1.நாராயணன் செயல் இயக்குகிறது என்று அந்த உணர்வின் தன்மையை அங்கே தியானம் இருக்கும்படி குருநாதர் சொன்னார்.
2.அந்த உணர்வினை அங்கே அவர்களுக்கு ஊட்டும்படி சொன்னார்… அவர்களுக்கு அது தெரியும்…
3.தெரிந்த உணர்வு கொண்டவர்கள் எடுத்தால் அவர்கள் விண் செல்ல உதவும்.
4.அதற்காக வேண்டிச் சிலதுகளைச் சொல்லி… இந்த உணர்வின் எக்கோவை (எதிரொலி) கொடுக்கும்படி சொன்னார்.

இப்படி இமயமலைச் சாரலில் ஏராளமானோர் இன்னும் அந்தக் கூட்டுடன் உடலுடன் தான் புதையுண்டுள்ளார்கள். இது எல்லாம் குருநாதர் எமக்குக் காட்டிய பேருண்மைகள்.

தற்கொலை செய்த ஆன்மாவைக் கூட நாம் விண் செலுத்த முடியும்

நம் முன்னோர்களின் உயிரான்மக்களை இதற்கு முன் விண் செலுத்தவில்லை… பழகவில்லை. ஆகையினால் அந்த உயிரான்மாக்கள் இன்னொரு உடலில் இருக்கும்.

அப்படி… மற்ற உடலில் இருந்தாலும்
1.அவர்களை நம் குருநாதர் காட்டிய அருள் வழியில் முறைப்படுத்தி விண்ணிலே
2.சப்தரிஷி மண்டலத்துடன் இணைய வேண்டும் என்ற உணர்வலைகளைப் பாய்ச்சப்படும் போது
3.எந்த உடலுக்குள் இருந்தாலும் இந்த உணர்வுகள் அங்கே வட்டமிடும்.

ஏனென்றால் அவர்கள் உணர்வு தான் நமது உடல். ஒரு நண்பன் நமக்கு நன்மை செய்தான் என்றால் அந்த உணர்வுகள் விக்கலாகப் பாய்கிறது. இதே போல உடலை விட்டுப் பிரிந்தவர்கள் இன்னொரு உடலில் இருந்தாலும் “நாம் செலுத்தும் உணர்வுகள் அங்கே போய் இயக்கும்…”

அந்த உடலில் ஆவியாகத்தான் இருக்கும். ஆனால் “மனிதனல்லாத உடலுக்குள் சென்று விட்டால்… நாம் ஒன்றும் செய்ய முடியாது…!”

பொதுவாக… இறந்த பின் யார் மீது பற்றிருக்கின்றதோ அந்த உடலுக்குள் தான் ஆன்மா செல்கின்றது.
1.உடலுக்குள் சென்றாலும் ரத்த நாளங்களில் தான் அது சுழன்று கொண்டிருக்கும்.
2.நாம் அந்த ஆன்மா சப்தரிஷி மண்டலத்துடன் இணைய வேண்டும் என்று எண்ணினால்
3.எந்த உடலில் இருக்கின்றார்களோ அந்த உடலுக்கு முன்னாடி நம்முடைய உணர்வுகள் சுற்றும்.

சந்தர்ப்பத்திலே அவர்கள் இறக்கப்படும் பொழுது முன்னோரின் ஆன்மாவும் வெளிவரும்.
1.நாம் தினசரி எண்ணி அவர்களை விண் செலுத்திய உணர்வுகள் கொண்டு
2.அந்த ஆன்மா சப்தரிஷி மண்டலத்துடன் இணையும்.

இதுகள் எல்லாம் ஒரு சிலருக்குத் தெரிய வரும்.

காரணம் அந்த இன்னொரு உடலில் இருந்து இந்த ஆன்மா வெளிவந்த பின்… நம்முடைய உணர்வு தாக்கப்பட்ட பின் நினைவு வரும். “என்னை ஏன் விண் செலுத்தவில்லை…? விண் செலுத்து…! என்று அந்த உணர்ச்சிகள் உந்துவதைக் கூடத் தெரிந்து கொள்ளலாம்.

அவருடைய உணர்வு நமக்குள் இருப்பதால் நினைவுபடுத்தி அந்த ஆன்மாக்களை விண் செலுத்தும்படி செய்யும்.

ஒருவர் நோயுடன் சென்று இருக்கலாம்… திடீரென்று அகால மரணத்துடன் சென்றிருக்கலாம்… வெறுப்பின் தன்மை கொண்டு தற்கொலை கூட செய்து இருக்கலாம்.

1.அப்படித் தற்கொலை செய்திருந்தாலும் கூட அந்த ஆன்மாக்களை நாம் விண் செலுத்த முடியும்.
2.காரணம் மனிதன் தான் அதைச் செயல்படுத்த முடியும்.

சப்தரிஷி மண்டலத்துடன் அந்த ஆன்மாக்கள் இணைக்கப்பட்டு உடல் பெறும் உணர்வு கரைக்கப்பட்டு அவர்களைப் பிறவியில்லா நிலை அடையச் செய்தல் வேண்டும்.

வான் வீதியில் தோன்றிய உயிரணுக்கள் தான் நம் உடலில் சேர்கிறது. மனிதனான பின் உணர்வுகளை ஒளியாக மாற்றி ஒளியின் சரீரம் பெற்றது துருவ நட்சத்திரம்.

அந்தத் துருவ நட்சத்திரத்தின் உணர்வை நாம் பெறும் போது நாமும் அந்த நிலை பெறுகின்றோம். அந்த வலுவின் துணை கொண்டு நம் முன்னோர்கள் மூதாதையரின் உயிரான்மாக்களை அங்கே ஒளிச்சரீரம் பெறச் செய்ய வேண்டும்.

துருவ நட்சத்திரத்தின் ஈர்ப்பு வட்டத்தில் வளரும் பொழுது அவர்கள் பிறவியில்லா நிலை அடைகிறார்கள். இதை நாம் வளர்த்துக் கொண்டே வந்தால் அந்த வலுக் கொண்டு நாம் எப்பொழுது உடலை விட்டுப் பிரிந்து சென்றாலும் உயிர் நம்மை அங்கே அழைத்துச் சென்றுவிடும். காரணம்…
1.எந்த உணர்வின் தன்மை வலுப் பெறுகின்றதோ அதனுடைய தொடர் வரிசை பூமியில் இருப்பதால்
2.அதன் ஈர்ப்புக்கே நம்மை அழைத்துச் செல்கின்றது.

முன்னோர்களை விண் செலுத்தும் வீரிய சக்தி

1.ஈஸ்வரா என்று தன் உயிரை எண்ணி வானை நோக்கி ஏகி அந்த உணர்வின் ஏக்கத் துடிப்பிற்குள் சக்தி வாய்ந்த நிலைகளை உருப்பெறச் செய்து
2.இது அனைத்தும் எங்கள் உடல் முழுவதும் படர வேண்டும் எங்கள் உடலில் உள்ள ஜீவான்மாக்கள் பெற வேண்டும் ஈஸ்வரா என்று
3.இந்த உணர்வுகளை ஆழமாகப் பதியச் செய்தான் அன்று அகஸ்தியன்…
4.அதைப் பதிவு செய்வதற்கு அந்த நிலைகளைச் செய்தான் அந்த மகரிஷி.

அதனை நாம் நினைவு கொண்டு விண்ணை நோக்கிய ஏகிப் பழகி அந்த மகரிஷியின் உணர்வைப் பருகும் நிலைகளுக்கும் அந்தச் சக்தி வாய்ந்த உணர்வுகளை நமக்குள் சேர்க்கும் இந்த நிலைகளை அதை வினையாக சேர்க்கும் தன்மையாக உருவாக்கினார் அகஸ்தியன்.

நம்மை ஈன்று நம்மை வளர்ப்பதற்காக வேண்டித் துன்ப நிலைகளைப் பெற்று எத்தனையோ வீழ்ச்சிகளைக் கண்டு உடலுக்குள் வேதனையாகிச் சிந்தனையற்ற நிலைகள் சீரழிந்து நாம் வாழ்ந்திட… நம்முடைய மூதாதையர்கள் எத்தனையோ இன்னல்கள் பட்டிருப்பார்கள்…! என்று பார்க்கலாம்.

தன்னைக் காத்திட… நம்மைக் காத்திட… அவர் எடுத்துக் கொண்ட வேதனையான உணர்வுகள் விஷமாக நஞ்சாக மாறி அவருடைய நிலைகள் தன் உணர்வின் தன்மை இழக்கச் செய்து உடலை விட்டுச் சென்ற பின்… தான் சேர்த்துக் கொண்ட வினைகளுக்கொப்ப இன்னொரு உடலில் புகுந்திருப்பார்கள்.

அந்த உடலில் புகுந்தாலும்…
1.அங்கே தீய விளைவுகளை விளைவிக்காது தடுப்பதற்குத் தன் இனமான இந்த உணர்வின் சக்தி கொண்ட நாம்
2.அவர்களை எண்ணாது மறந்திருந்தாலும் அவர்களை எண்ணி அந்த மகரிஷிகளின் அருள் ஒளி பெற வேண்டும்.
3.குலதெய்வமான அந்த உயிரான்மாக்கள் சப்தரிஷி மண்டல ஒளி அலைகளுடன் கலந்து என்றும் பிறவா நிலையும் உடல் பெறாத நிலையும்
4.விஷத்தை நீக்கி மெய் வழி காணும் மெய் அருள் பெற்ற மெய் ஞானியின் அருள் வட்டத்தில் சுழன்று அதனின் சக்தியை உணவாக எடுத்துக் கொண்டு
5.என்றுமே ஒளியின் சுடராகச் சுழன்று கொண்டிருக்க வேண்டும் என்று அவர்களை உந்தித் தள்ளி விண்ணிலே செலுத்தினார்கள் அன்று.

இன்று விஞ்ஞான நிலைகள் கொண்டு ரிமோட் கண்ட்ரோல் என்று தன் இனமான உணர்வின் அலைகளைக் கொண்டு செயற்கைக் கோள்களை விண்ணிலே செலுத்தி இயக்கிக் காட்டுகின்றார்கள்.

அதைப் போல உடலை விட்டு முன்னோர்கள் பிரிந்து சென்றாலும்… நம்மை வாழ்த்திட்ட வளர்த்திட்ட பார்த்திட்ட காத்திட்ட நம்மை வளர்த்திட்ட இந்த உணர்வின் ஆற்றல் மிக்க சக்தி “நமக்குள் அந்தப் பதிவு இருக்கின்றது…”

அந்தப் பதிவின் நினைவு கொண்டு ஆற்றல் மிக்க மகரிஷிகளின் அருள் உணர்வைச் சேர்த்துக் காந்த உணர்வின் அலையைத் தனக்குள் இணையச் செய்து இணைத்த உணர்வின் தன்மை கொண்டு
1.மூதாதையர்கள் உயிருடன் இருக்கும் அந்த சூட்சம சரீரத்தை தன் உணர்வுடன் இணைக்கப்பட்டு
2.இதனுடைய கண்ட்ரோல்படி அந்தச் சப்தரிஷி மண்டல ஒளி அலைகளுடன் அவர்களைச் சுழலச் செய்து
3.இருளை மாய்த்து விஷத்தை முறித்து… விஷத்தை அடக்கிடும் ஒளியாக மாற்றிடும் இந்த உணர்வின் சக்தி பெற வேண்டும் என்று விண்ணை நோக்கி ஏகி
4.இந்த உணர்வின் சக்தியைப் பரப்பும் நிலைகளுக்கு அன்று செய்தான் அகஸ்தியன்.

இதை எல்லாம் தெளிவுற உணர்த்தினார்கள் அன்று மகரிஷிகள்.

விஞ்ஞானத்தின் விளைவால் வரும் விஷத்தை அடக்கி அதை ஒளியாக மாற்றுங்கள்

இன்று “பல கெமிக்கலைக் கலந்து…” பல விதமான வர்ணங்களை உருவாக்குகின்றார்கள். அத்தகைய வர்ணங்களை ஆடைகளில் ஏற்றப்படும் பொழுது விஷத்தன்மையாகின்றது.

1.அந்த ஆடையை நாம் அணிந்திருக்கும் பொழுது அது உடலுடன் ஒட்டி
2.எந்த விஷத்தின் தன்மை (வர்ணமாக) ஆடையில் கலக்கப்பட்டதோ
3.அது வெளிப்பட்ட உணர்வுகள் சூரியனுடைய காந்த சக்தியால் கவரப்பட்டுக் காற்றிலே கலந்திருப்பது
4.நம் ஈர்ப்பிற்குள் வந்து உடலில் ஜீவன் பெறும் சக்தியாக மாறும்.

இதன் வழி அந்த விஷத்தன்மைகள் நம் உடலுக்குள் சிறுகச் சிறுக ஊடுருவத் தொடங்கும். எதிர்மறையான விளைவுகளை உருவாக்குகின்றது.

ஆனால் நாம் தவறு செய்யவில்லை…!

விஞ்ஞான உலகில் வாழுகின்றோம்… ஆனந்தமாக இருக்கின்றோம். ஆனால் மேலே சொன்ன விஷ தன்மைகள் பரவி அணுக்களின் தன்மை மாற்றப்படும் பொழுது உறுப்புகள் சிதைந்து விட்டால் “மாற்று உறுப்புகளைச் செய்து…” மனிதனை வாழ வைக்கின்றார்கள்.

எத்தனையோ வகையான மாற்றங்களை இன்று பார்க்கின்றோம் அல்லவா…!

சர்க்கரைச் சத்து உடலில் அதிகமாகும் பொழுது…
1.மற்ற இணைந்து வாழ்ந்து மகிழ்ச்சியூட்டும் உணர்வுகளில் அது பிரிக்கப்படும் பொழுது…
2.ஒன்று சேர்த்து வாழும் அந்த சர்க்கரைச் சத்து என்ற நிலைகள் ரத்தத்தில் அதிகமாகி விடுகின்றது.
3.சர்க்கரைச் சத்து என்று சுவை மிக்க நிலை வரும் போது தீய அணுக்களைப் பரப்பும் தன்மை வருகின்றது.
4.ரத்தத்திலே கலக்கும் நல்ல அணுக்களை மாற்றி… ரத்தத்தில் இருக்கும் உணர்வை இது எடுத்துக் கொள்கின்றது.
5.ஆனால் நீராக மாற்றி விடுகின்றது.

ரத்தம் நீராக மாறி விட்டால் என்ன ஆகும்…? ஊடுருவித் தன் நிலைகளை மாற்றி விடுகிறது.

மனிதனாக வாழும் காலத்தில்… உடலுக்குள் தீய விளைவுகளை ஏற்படுத்தும் இத்தகைய கெமிக்கல்களை நுகர்ந்து விட்டால் “டாக்டரிடம் சென்றால்… ரத்தத்தைத் காணோம்…” என்பார்.

மனித வாழ்க்கையில் இப்படி எல்லாம் விஞ்ஞான உலகில் சர்வ சாதாரணமாக நடந்து கொண்டுள்ளது. இதை மாற்றுவது யார்…? இதை மாற்றி அமைத்து நம்மைப் பாதுகாத்துக் கொள்ள வேண்டும் அல்லவா.

அதற்கு நாம் என்ன செய்ய வேண்டும்…? இந்த விஞ்ஞான உலகில் இத்தகைய தீய விளைவுகளிலிருந்து மனிதன் தப்ப வேண்டுமா இல்லையா…?

அதற்குத் தான் ஆத்ம சக்தி என்ற கடுமையான ஆயுதத்தைக் கொடுத்துள்ளோம். பல விதமான உணர்வுகள் தாக்கப்படும் பொழுது
1.அந்த உணர்வின் உணர்ச்சியின் இயக்கங்களைப் பற்றி இந்த உபதேச வாயிலாகச் சொல்லப்படும் பொழுது இதுவும் பதிவாகின்றது.
2.இந்த உணர்வால் வரப்படும் பொழுது தன்னை எது இயக்குகின்றது…? என்பதைத் தன்னை அறிந்து கொள்ள முடியும்.

அடுத்த நிமிடமே ஆத்ம சுத்தி செய்தால் உங்களுடைய மனக் கலக்கம் நீங்குகின்றது… வரும் வேதனை உணர்வுகள் தடுக்கப்படுகின்றது… துருவ நட்சத்திரத்தின் சக்தி ஈர்க்கப்படுகின்றது… அதன் வலுவின் தன்மை நமக்குள் சேர்க்கப்படுகின்றது.

காரணம்… இன்று மின்னல்கள் தாக்கப்படும் பொழுது வெள்ளிக் கோள் அந்த உணர்வின் அலைகளைத் தனக்குள் எடுத்துக் கொள்கின்றது. இதைப் போல்
1.உங்களுக்குள் அந்த அருள் ஞானிகள் உணர்வைக் கொஞ்சம் கொஞ்சமாகப் பதிவு செய்யப்படும் பொழுது
2.மின்னல்கள் கடுமையான நிலைகளை எடுத்தாலும்
3.இந்த உணர்வின் தன்மை கண் கொண்டு பார்த்தாலும் உயிர்வழி ரத்தத்தில் கலக்கப்பட்டு
4.உடலில் உள்ள அணுக்கள் ஒளிக்கற்றைகளாக மாற்றும்.

மின்னல் (ஒளியின் தன்மை) என்பது 27 நட்சத்திரங்களின் எதிர்நிலையான போர் மறை தான் அது.

நஞ்சை ஒளியாக மாற்றுவது தான் நமது தியானத்தின் நோக்கம்

1.நல்லதைக் காக்க நமக்கு அந்தத் திறன் வேண்டும்…
2.அந்தத் திறனை இழந்து விட்டால் நல்லதைத் தீமை மறைத்து விடுகின்றது.

ஒரு மரம் வளர்வதற்கு எத்தனையோ வருடங்கள் ஆகிறது. ஆனால் மரத்தை உடனடியாக நாம் வீழ்த்த முடிகின்றது. இதே போல மனித உடலைப் பல வருட காலம் நாம் வளர்த்து வந்திருந்தாலும் “இனி என்ன வாழ்க்கை…?” என்று வெறுப்பாகும் பொழுது தற்கொலை செய்து… தன் உடலையும் ஒரு சிலர் அழித்து விடுகின்றார்கள்.

எத்தனையோ ஆசாபாசங்கள் கொண்டு இவ்வளவு காலம் வாழ்ந்து வந்திருக்கின்றோம். ஆனாலும்…
1.இந்த விஷத்தின் துடிப்பு ஒரு நொடிக்குள் இயக்கி விடுகின்றது.
2.அத்தகைய விஷத்தை வென்றவர்கள் தான் மெய் ஞானிகள்
3.அது அனைத்தையும் வென்று அந்த விஷத்தின் ஆற்றலைத் தனக்குள் அடிமைப்படுத்தி
4.அதையே தனக்குள் ஒளியாக மாற்றியவர்கள் மகரிஷிகள்,

வைரம் தன்னிச்சையாக ஒளி கொடுக்கிறது என்றால் அந்த விஷத்தைத் தன்னுள் அடக்கி விஷத்தின் ஆற்றல் மிக்க நிலையைத் தன்னிச்சையாக ஒளிச் சுடராகக் காட்டுகிறது.
1.அதை ஒளியாக… இனிமையாக… நம் கண்ணிலே குளிர்ச்சியாக… காண முடிகின்றது.
2.அந்த விஷங்கள் அனைத்தும் ஒடுங்கி அந்த இயக்கச் சக்தியே ஒளியாக மாறுகின்றது.

ஆனால் வைரத்தைத் தட்டி விழுங்கினாலோ அது நம்மை மாய்த்து விடும்.

இதைப் போன்று
1.விஷத்தினைத் தனக்குள் எடுத்து இனிமை கலந்த செயலாக இயக்கவல்ல ஆற்றல்மிக்க… வலிமை மிக்க அந்த எண்ண ஒளிகள்
2.மகரிஷிகள் உடலில் விளைய வைத்த அந்த உணர்வின் எண்ண அலைகள் நம் பூமியிலே படர்ந்து கொண்டிருக்கின்றது.
3.அதைக் கவர்வதற்குத் தான் தியானப் பயிற்சியைக் கொடுக்கின்றோம்.

ஒரு குழம்பு வைக்கும் பொழுது காரம் புளிப்பு இனிப்பு துவர்ப்பு அனைத்தும் கலந்து அதைச் சுவை மிக்கதாகச் சமைக்கின்றோம்.

இதைப் போன்று நாம் ஒவ்வொருவரும் ஒவ்வொருவர் வாழ்க்கையிலும் மகிழ்ந்து நெகிழ்ந்து சலித்து… வெறுப்பு விருப்பு வேதனை இது போன்ற எத்தனையோ எண்ணங்களுடன் நாம் இங்கே கூடி உள்ளோம்.

குரு காட்டிய அருள் வழிப்படி மெய் ஒளியைக் காண வேண்டும் அந்த மெய் ஞானத்தைப் பெற வேண்டும் என்ற உணர்ச்சிகளைத் தூண்டும் படிச் செய்கிறோம்.

அப்போது உங்கள் எண்ணங்கள் ஒருமித்த நிலைகள் கொண்டு ஏக்க உணர்வுடன் விண்ணை நோக்கி ஏகி அந்த மெய் ஞானிகளுடைய அருள் பெற வேண்டும் என்று அனைவரும் ஒன்று சேர்ந்து தியானிக்கிறோம்.

1.இங்கு வந்திருப்போர் அனைவரும் தியானத்தில் இருப்பவர் அனைவரும் அந்த மகரிஷிகள் சக்தி பெற வேண்டும் என்று
2.ஒருங்கிணைந்த எண்ணங்களுடன் நாம் படரச் செய்யும் பொழுது
3.இங்கு வந்திருந்தோர் துன்ப நிலைகள் கொண்டு வந்திருந்தாலும் அனைவரும் எடுத்துக் கொண்ட இந்த உணர்வுகள் ஒன்று சேர்ந்து
4.எந்த மகிழ்ச்சியைப் பெற வேண்டும் என்று ஏங்கி வந்தோமோ இந்த உணர்வின் அலைகள்
5.அந்த ஒளி அலைகளுடன் ஈர்க்கப்பட்டு “அந்தச் சுவாசம் உங்கள் உயிரிலே சுழன்று கொண்டிருப்பதைக் காணலாம்…”

மகரிஷிகளின் அருள் சக்தி அனைவருக்கும் கிடைக்க வேண்டும் ஈஸ்வரா என்று ஏங்கி இந்த மூச்சலைகளை வெளிவிடும் பொழுது உங்களுக்குள் உயர்ந்த “உமிழ் நீராகச் சுரந்து இருப்பதையும்” காணலாம்.

இப்பேற்பட்ட “அமுத சுரபிகள்” நமக்குள் சேர்ந்து அந்த ஞானிகள் அருள் வித்தைச் சீராக வளர்க்கச் செய்யும்.

அப்போது நம்மை அறியாது சேர்ந்த வேதனையை உருவாக்கும்… நோய்களை உருவாக்கும்… நம் சொல்லின் இனிமையைக் கெடுக்கும் உணர்வுகள் தணிந்து
1.வைரம் எப்படி உணர்வின் தன்மையை ஒளியாக மாற்றுகின்றதோ அதைப் போன்ற நிலைகளை நாமும் பெற முடியும்.
2.நம் வாழ்க்கையில் ஒவ்வொரு நொடியிலும் இதைப் பெற முடியும்

குழம்பை நாம் சுவைமிக்கதாக உருவாக்குவது போன்று குருநாதர் காட்டிய அருள் வழிப்படி இந்தத் தியானத்தின் மூலம் மெய் ஒளியை அனைவரது உள்ளங்களிலும் படரச் செய்கின்றோம்.

1.ஒவ்வொருவரும் கோபமோ வெறுப்போ வேதனையோ சலிப்போ சங்கடமோ எத்தனையோ மாறுபட்ட நிலைகள் கொண்டிருந்தாலும்
2.அதைச் சமமாகச் சமைக்கும் நிலைகள் கொண்டு சுவைபடும் சக்தியாக உருவாக்கி
3.அதைத் தெளிந்த நிலையில் உருப் பெறச் செய்யும் சக்தியாக
4.அந்த அருள் ஞானிகள் வித்தாக உருவாக்கச் செய்வதுதான் எமது உபதேசத்தின் நோக்கம்.