YouTube VIDEOS – சாமிகள் உபதேசம்

குரு விண் சென்ற உணர்வும் முன்னோர்களை விண் செலுத்த வேண்டிய கடமையும்
குருநாதர் விண் சென்ற உணர்வுகளை நுகர்ந்து எடுத்து நமக்குள் சேர்த்து நம் முன்னோர்களையும் நாம் விண்ணுலகம் அடையச் செய்ய வேண்டும்.

AIDS – எயிட்ஸ் நோய் உருவான விதம்
மூட்டைப் பூச்சிகள் மூலமாக நோயை உருவாக்கிய அமெரிக்காவின் நிலை. பல விஞ்ஞானிகள் மடிந்த பின் தான் அதை அவன் உலகுக்கே தெரியப்படுத்தினான்.

உயிரினங்களின் ரூப மாறறங்களைக் காட்டிலே பார்த்தேன் – குரு காட்டினார்
பூச்சிகள் பல்லியாக எப்படி மாறுகிறது…? எலி எப்படிப் பூனையாக மாறுகிறது..? மான் புலியாக எப்படி மறுகிறது…? புலி எப்படி மலைப் பாம்பாக மாறுகிறது…? இதை எல்லாம் காட்டிலே வைத்துக் காட்டினார் குருநாதர். யானைக் கூட்டத்தில் என்னைச் சிக்க வைத்து பின் அதிலிருந்து தப்பச் செய்தார். புலியிடமிருந்தும் தப்பச் செய்தார். மனிதனிலிருந்து அவன் வாசனை பட்டு கொசு எப்படி உருவாகிறது என்பதையும் காட்டினார் ஈஸ்வரபட்டர்

பதஞ்சலி என்ற திருமூலரின் சரித்திரமும் வேதங்களின் மாற்றமும்
அரசனாக இருந்த பதஞ்சலி வேதங்களைக் கற்ற நிலையில் என்ன செய்தான்…? பின் கூடு விட்டுக் கூடு பாயும் சமயம் எப்படி அழிக்கப்பட்டான்…? பின் மாடு மேய்ப்பவன் உடலில் புகுந்து திருமூலராக எப்படி ஞானம் பெற்றான்..? யூதர்களைப் பற்றிய உண்மைகள்.. விஞ்ஞான வளர்ச்சி நூதன முறைகளில் எப்படி வளர்ந்தது…? வேதங்களின் உண்மைகள் எப்படித் திரிபு ஆனது..?

ஞானகுருவின் ஆசீர்வாதம்
அகஸ்தியனைப் போன்று உலகைக் காக்கும் சக்தியாக நீங்கள் மாற வேண்டும். ஞானக் குழந்தைகளை ஒவ்வொரு குடும்பத்திலும் உருவாக்குங்கள்.

தியானம்
தியான வாசகங்களும் அதனுடைய விளக்கங்களும் மற்றும் தியானம் செய்ய வேண்டிய முறையும்

தீமைகளையும் நோய்களையும் நீக்கும் பயிற்சி தியானம்
ஒரு நோயாளியைச் சந்தித்தால் நாம் எப்படி நடந்து கொள்ள வேண்டும்…? அவருடைய வேதனையும் நோயும் நமக்குள் வராதபடி நம்மைக் காத்து அவருக்குள் நல்ல உணர்வுகளைப் பாய்ச்சி அவரையும் நோயிலிருந்து விடுபடச் செய்ய வேண்டும். இராமனின் பக்தன் ஆஞ்சநேயன்.. சுக்ரீவனின் மந்திரி என்ற நிலையில் தீமைகளை அகற்றி நாம் நல்லதைக் காக்கும் சக்தியாக வளர வேண்டும்.

துருவ நட்சத்திரத்தின் சக்தியைக் கவர வேண்டிய முறை – சொர்க்கவாசல்
சொர்க்க வாசல் எது என்று தெரிந்து கொள்ள வேண்டும். நமக்குப் புருவ மத்தி தான் சொர்க்க வாசல். அதன் வழி தான் துருவ நட்சத்திரத்தின் அருள் சக்தியை நாம் எடுத்துக் கொள்ள வேண்டும்.

இராமாயணத்தில் இருக்கும் மூலக் கருத்துக்களை மக்களுக்கு எடுத்துச் சொல்லுங்கள்
சீதாவைத் திருமணம் செய்யும் பொழுது “இராமன் தான் வில்லைத் தூக்கினான்… மற்றவர்களால் வில்லைக் கூடத் தூக்க முடியவில்லை…!” என்று ஒவ்வொரு கருத்துக்களிலும் உள்ள உள் மூலங்களை மாற்றி உண்மைகளை அறியவிடாது செய்து விட்டார்கள். பல இடைச் செருகல்களை ஏற்படுத்தி விட்டனர். இனியாகிலும் அந்தக் காவியங்களைப் படிக்கும் பொழுது தயவு செய்து ஞானிகள் காட்டிய வழியில் கொஞ்சம் யோசனை செய்து பாருங்கள். வான்மீகி கொடுத்த மூலக் கருத்துக்களை நீங்கள் உணர்வீர்கள்.

இராமேஸ்வரத்தில் 27 கிணறை ஏன் வைத்துக் காட்டியுள்ளார்கள்…? தனுசுகோடி கோடிக்கரை – விளக்கம்
நேரமாகி விட்டது இராமன் மணலைக் குவித்தான் என்றால்… இந்த உடலில் நேரமாகி விட்டது. கோடிக்கரையாக இந்தக் கடைசி மனித உடலில் நாம் வாழும் சிறிது காலத்திற்குள் யாருடைய பகைமையும் வளராதபடி நம் மனதை ஒன்றாக்கி (27நட்சத்திரம்) உயிருடன் ஒன்றிடல் வேண்டும். வியாபாரமோ குடும்பமோ எந்த விஷயமாக இருந்தாலும் அருள் ஒளியின் தன்மையை எடுத்து தனுசுகோடி… உயிருடன் ஒன்றாக்கி ஒளியாக நாம் மாற வேண்டும். அது தான் இராமாயணத்தில் இராமேஸ்வரத்தில் கொடுக்கப்பட்ட தத்துவம்.

தொழில் மந்தம் குடும்பத்தில் குழப்பம் வருவதன் காரணம் என்ன…?
நல்லதைக் காக்கும் எண்ணத்தை நாம் ஒவ்வொரு சந்தர்ப்பத்திலும் வளர்த்தே ஆக வேண்டும். ஏனென்றால் சந்தர்ப்பத்தால் தான் எல்லாவிதமான தீமைகளும் நமக்குள் வந்து சேர்கிறது. எல்லோருக்கும் நல்லது கிடைக்க வேண்டும் என்ற எண்ணம் நமக்குள் வளர்ந்தால் நம் வியாபாரம் செழிக்கும்… குடும்பத்தில் எந்தக் குழப்பங்களும் வராது. மகிழ்ச்சியாக வாழும் சந்தர்ப்பங்கள் உருவாகும்.

மார்கழித் திங்கள் மதி நிறைந்த நன்னாள்
நம் உயிர் “அரங்கநாதன்..,” நாம் நுகரும் உணர்வு அரங்கத்திலிருந்து உணர்வுகளை அது உள்ளிருந்து நாதங்களை எழுப்புகின்றது. அந்த உணர்ச்சியின் தன்மை நமக்குள் வரும் பொழுது “ஆண்டாள்…” பெண்பாலாகக் காட்டுகின்றார்கள். அதுதான் (அந்த உணர்ச்சிகள்) நம்மை ஆளுகின்றது.. ஆண்டாள். அதாவது சாதாரண மக்களுக்கும் புரிய வைப்பதற்காக வேண்டி திருப்பாவை.., திருவெம்பாவை..
1.நல்லவைகளைச் சொல்லு
2.நல்லவைகளையே பேசு,
3.நல்லவைகளை எண்ணி இரு அப்படி என்ற நிலைகளைத்தான் மார்கழித் திங்கள் மதி நிறைந்த நந்நாள் என்று சாஸ்திரங்களில் தெளிவாகக் காட்டப்பட்டுள்ளது ஆகவே, நாம் மதியோடு வாழ வேண்டும். மதியின் தன்மை பெற்ற மார்கழியில் தான் ஒளியின் சரீரம் ஆனது துருவ நட்சத்திரம். அந்தத் துருவ நட்சத்திரத்தின் உணர்வை நாம் எடுத்து மதி நிறைந்த நாளாக அமைத்தல் வேண்டும்.

மிகுந்த தெய்வ பக்தி கொண்டவர்களின் கடைசி நிலைகள்
ஒரு அம்மா செல்வச் செழிப்பாக இருக்கும் பொழுது ஆரம்பத்தில் முருகனின் காட்சி எல்லாம் அதற்குக் கிடைக்கின்றது. பின்னாடி உடல் நலம் இல்லாதபடி ஆன பின் வீட்டில் உள்ளவர்கள் அனாதையாக ரோட்டிலே விட்டுச் செல்கிறார்கள். முருக பக்தி கொண்ட அந்த அம்மாவின் கடைசிக் கால வாழ்க்கையைப் போய் குருநாதர் என்னைப் (ஞானகுரு) பார்க்கச் சொன்னார். அந்த அம்மாவிற்கு நான் சில உதவிகள் செய்ததும் என்னை முருகனாக நினைக்கின்றது அந்த அம்மா..!

சிவ தனுசு என்றால் என்ன…?
குளவி புழுவைக் கொட்டித் தன் இனமாக மாற்றுகிறது. அந்த ரூப மாற்றம் எப்படி நடக்கிறது…? என்பதைக் குருநாதர் காட்டினார். அதே மாதிரித் தான் மற்றவர்கள் தீமை செய்யும் உணர்வுகளை நாம் கூர்மையாக உற்றுப் பார்த்து நமக்குள் நுகர்ந்தால் அதே தீமை நமக்குள்ளும் உருவாகி நம் நல்ல குணத்தையும் மாற்றும். இது சிவ தனுசு.

மீண்டும் ஏண்டா பொய் உலகிற்குப் போகின்றாய்…? என்பார் குருநாதர்
குருநாதர் காடுகளில் சில கடுமையான அனுபவங்களை எனக்குக் கொடுக்கப்படும் பொழுது என்ன வாழ்க்கை..? என்று தற்கொலை செய்யும் எண்ணங்கள் தோன்றுகிறது. அப்பொழுது உயிரைப் பற்றித் தெரிந்து கொண்டாய் ஏண்டா பொய் உலகிற்குப் போகிறாய்…? என்பார். எறும்புக் கூட்டில் உட்கார வைத்துச் சில முக்கிமான அனுபவங்களையும் கொடுத்தார்.

கண்ணன் அர்ச்சுணனுக்குச் சாரதியாகச் சென்றான்
கண்கள் தோன்றிய பின் ஒவ்வொன்றையும் அது எப்படி அறிவிக்கின்றது என்பதையும் அறிவித்த பின் நம்மைப் பாதுகாக்கும் நிலைகளுக்குண்டான வழிகளை எப்படிக் காட்டுகிறது என்பதையும் உணர்த்துவதற்குப் பார்த்தசாரதி. சாரதியாக இருந்து இந்தக் கண்கள் தான் தப்பிக்கும் வழிகளைக் காட்டுகிறது என்பதை வியாசகர் தெளிவாக்கியுள்ளார்.

நம் உயிருக்கு நாம் மரியாதை செலுத்துகின்றோமா…?
குருநாதர் எம்மைக் காட்டுக்குள் அழைத்துச் சென்று பல பல உயிரினங்களைக் காண்பித்து அவைகள் தன்னைத் தற்காத்துக் கொள்ள என்னென்ன செய்கிறது என்பதை இன்று விஞ்ஞானக் கருவிகளை வைத்துச் சில நுண்ணிய நிலைகளை அறிவது போல் நேரடியாகக் காட்டினார்.

பிறருடைய தீமை செய்யும் உணர்வால் நம் உடல் பாழாகும் நிலை
அடுத்தவர்கள் நம்மைத் திட்டும் பொழுதும்.. தவறாக நம்மைப் பேசும் பொழுதும்… நம் நல்ல குணங்களும் உணர்வுகளும் மாறுபடுகின்றன. அது மட்டுமல்ல நம் உடல் உறுப்புகளும் கெடுகின்றன. அதைப் பற்றி நாம் தெளிவாகத் தெரிந்து கொள்வது நல்லது.

உயிரின் இயக்கம்
உயிரின் இயக்கத்தைப் பற்றித் தெளிவாக அறிந்து கொள்ளுங்கள்

நீங்கள் ஒவ்வொருவரும் ஞானியாக மாறியே ஆக வேண்டும்
சாமி நன்றாகப் பேசுகிறார்…! அதை எல்லாம் கேட்டிருக்கின்றேன்…. நான் பெரிய உண்மைளை எல்லாம் சொல்கிறேன்.. ஆனால் நான் சொல்வதைக் கேட்க மாட்டேன் என்கிறான் என்று அடுத்தவரின் கோபத்தை நீங்கள் ஏற்றுக் கொண்டால் உங்களுக்குள் நல்லதை ஏற்க முடியவில்லை…! என்று தான் அர்த்தம். ஆகவே அந்த மாதிரி எல்லாம் ஆகாதபடி குருநாதர் ஆசைப்படி நீங்கள் ஒவ்வொருவரும் ஞானிகளாக மாறியே ஆக வேண்டும். இந்த உடலுக்குப் பின் பிறவியில்லா நிலையை அடைய வேண்டும். அருளைப் பெருக்கினால் சிந்தித்துச் செயல்படும் ஆற்றல் கிடைக்கும். நாளை வரும் நஞ்சின் தன்மையிலிருந்து மீள முடியும்.

ஆவி பிடித்த ஒரு அம்மாவைக் குணப்படுத்தியது
கடுமையான பேய் பிடித்த ஒரு அம்மாவை மந்திரவாதியிடமிருந்து மீட்டச் செய்தார் ஈஸ்வரபட்டர். பழனி முருகன் பேரைச் சொல்லி மந்திரம் செய்பவருக்குப் பக்கபலமாக இருந்து அரசு அதிகாரிகள் என்னை மிரட்டினார்கள். குரு காட்டிய வழியில் சில உண்மைகளைக் காட்டியதும் பின் அவர்களும் ஒடுங்கினார்கள்.

குடும்பத்தையே வறுமையில் சிக்க வைத்துத் தான் ஞானத்தைக் கொடுத்தார் குருநாதர்
நோயால் வாடிய என் (ஞானகுரு) மனைவியை குருநாதர் காத்தார். ஞானத்தைக் கொடுக்கும் நிலையாக என்னைக் கூட்டிச் சென்றார் குருநாதர். காடு மேடெல்லாம் அலையச் செய்து பல அனுபவங்களைப் பெறச் செய்தார். இருந்தாலும் வீட்டிலோ வறுமை பட்டினி…! என் மனைவி தன் தாலியையே அடமானம் வைத்துத்தான் குடும்பத்தைக் காத்தது. ஒவ்வொரு குடும்பத்திலும் பல சிக்கல்கள் ஏற்படுகிறது. அதிலிருந்து எப்படி மக்களை மீட்க வேண்டும் என்று தான் எனக்கு அனுபவம். ஆக சுயநலத்திற்காகத் தான் நான் சக்தியைப் பெறுகின்றேனா..? என்பது தான் அவருடைய பரீட்சை…! பின் பல சிரமங்களைத் தாண்டித்தான் அந்த ஞானத்தைப் பெற முடிந்தது.. சித்து நிலைகளையும் செயல்படுத்தும்படி செய்தார் குருநாதர்.

கர்ப்பிணியான சீதாவை இராமன் காட்டிற்குள் விடச் சொல்கிறான்… ஏன்…?
இராமாயணத்தில் உள்ள மூலங்களை அறியாதபடி பல புத்தகங்களைப் படித்து அதற்குள் உள்ளதை ஒத்துப் பார்த்து வியாக்கியானங்களைச் சொல்கிறார்கள். ஆனால் ஈஸ்வரபட்டர் எனக்குத் தெளிவாக்கினார். நம்மைப் புண்படுத்தும் நேரத்தில் வெறுப்பாகின்றோம். அதனால் பழி தீர்க்கும் உணர்வே வளரும். அதைப் போன்ற நிலைகள் உருவாகாதபடி அந்த நேரத்தில் நல்ல உணர்வுகளைக் கருவிற்குள் ஜீவன் பெறச் செய்து தன்னையும் மற்றவரையும் பண்படுத்தும் தன்மைக்கே அங்கே சீதாவை வான்மீகி ஆசிரமத்திற்குக் கூட்டிக் கொண்டு போய் கருவில் இருக்கும் சிசுக்களை ஞானக் குழந்தைகளாக உருவாகிட உபதேசித்தான். சமுதாயம் பண்பட ஞானிகள் இவ்வளவு தெளிவாகக் காவியத்தைப் படைத்துள்ளார்கள்.

விஷ்ணு தனுசை எடுத்தான் இராமன்… ஜெயித்தான்…!
இராமாயணத்தில் உள்ள சில முக்கியமான உண்மைகளை குருநாதர் எனக்கு உணர்த்திக் காட்டினார். அதில் மனிதன் அடைய வேண்டிய மார்க்கங்கள் தெளிவாகக் காட்டப்பட்டுள்ளது என்று சொன்னார். நாம் இயங்குகிறோமா… நம்மைப் பிறிதொன்று இயக்குகிறதா..? எண்ணங்களும் உணர்வுகளும் உணர்ச்சிகளும் எப்படி உருவாகிறது…! எப்படி நம்மை இயக்குகிறது..? என்றும் காட்டப்பட்டுள்ளது. தீமைகளை அடக்கிய உணர்வின் தன்மையை பெற்றது விஷ்ணு தனுசு. பரசுராமன் சிவ தனுசை எடுக்கின்றான்.. இராமனோ விஷ்ணு தனுசை எடுக்கின்றான் ஜெயிக்கின்றான்.

நாம் யாரையும் குற்றவாளியாக எண்ணவே கூடாது…!
மற்றவர்கள் பேசுவதை ஒட்டுக் கேட்க நேர்ந்தால் நம்மைப் பற்றித் தான் பேசுகிறார்கள் என்று கற்பனை செய்து கொண்டே இருப்போம். ரோட்டில் போகிற தண்ணீரை என் மீது ஊற்று என்று சொல்கிற மாதிரி நமக்குக் கோபம் ஜிர்ர்..ர் என்று ஏறும். நம் உடலில் புண்கள் வருவது போல் சில எதிர் மறையான உணர்வுகளால் மரத்திலும் புடைப்பாக ஏற்படுவதுண்டு. இயற்கை எப்படி இயங்குகிறது என்பதை குருநாதர் தெளிவாக்கினார். தீமை செய்யும் உணர்வைப் பற்றி அறியவில்லை என்றால் தீமையை நீக்கும் தன்மையை எடுக்கும் தன்மை வராது. தீமையை நீக்க என்ன மருந்து என்று அறிய வேண்டும். எதிர் மறையாக இயக்கும் உணர்வுகளைப் பற்றி நாம் தெளிவாகத் தெரிந்து கொள்ள வேண்டும். வட துருவம் தென் துருவம் போல் நல்ல குணங்களும் தீய குணங்களும் ஒன்றை ஒன்று உந்தித் தான் இயக்கும்.

மூல நோய் இருதய நோய் சிறுநீரக நோய்கள் வரக் காரணம் என்ன…?
உடலில் வெப்பம் அதீதமாகும் நிலை வரும் பொழுது மூல நோய் வருகிறது. அதனின் வளர்ச்சியில் ஆணிமூலம் மூல பௌத்திரம் வருகிறது. அதைத் தணிப்பதற்கு ஜவ்வரிசியை வைத்துச் சாப்பிடலாம். பித்தம் அதிகமாகி தலை சுற்றல் இரத்தக் கொதிப்பு போன்ற நிலைகள் எல்லாம் எப்படி வருகிறது..? அதை எப்படி மாற்றுவது…? இருதயம் சிலருக்குப் பலவீனமாக இருக்கும். இரத்தம் போகும் பாதைகளிலும் அடைப்பு இருக்கும். சலிப்பு போன்ற குணங்கள் அதிகமாக இருந்தால் உப்புச் சத்து அதிகமாகி இரத்தத்தில் அது உறைந்தால் இரத்தம் போகும் பாதையில் அடைப்பு வரும். தொழில் நிமித்தம் மற்றவரை ஏமாற்றும் நிலையும் குறை கூறும் நிலைகளும் இருந்தால் அடுத்தவரை அடக்கிடும் உணர்வுகள் வருகிறது. அப்படி அடக்கும் பொழுது நம் உடலிலுள்ள நல்ல குணங்களும் தீமைகளால் அடக்கப்படும் நிலை ஆகின்றது, இரத்தம் கெட்ட இரத்தமாகின்றது. கல்லீரல் வீக்கம் நுரையீரலில் சளித் தொல்லை கிட்னி சரியாக இயங்காத நிலை எல்லாம் வருகின்றது, இதை எல்லாம் மாற்றுவதற்கு என்ன செய்ய வேண்டும் என்று ஈஸ்வரபட்டர் எனக்குத் தெளிவாகக் காட்டினார். இதை எல்லாம் நேரடியாகப் பார்த்துத் தான் உங்களுக்குச் சொல்கிறேன். (ஞானகுரு)

இரவிலே நல்ல தூக்கம் இல்லாமல் போவதன் காரணம் என்ன…?
பகலில் வந்த தீமைகளை நாம் நீக்கத் தவறினால் இரவு தூக்கத்திலும் கெட்ட கனவுகள் வரும். காலையில் எழுந்தவுடனும் அதே நினைவுகள் தொடர்ந்து வந்து நம் வாழ்க்கையின் அன்றாட செயல்களைக் கெடுக்கும். சிலருக்கு இறந்தவர்களும் கனவில் வந்தார்கள்… பயமுறுத்தக்கூடிய சில உருவங்களும் வந்தது…! என்றும் சொல்வார்கள். அதை எல்லாம் மாற்ற வேண்டும் என்றால் படுக்கப் போகும் முன் அவசியம் துருவ நட்சத்திரத்தையும் சப்தரிஷி மண்டலத்தையும் குறைந்த பட்சம் அரை மணி நேரமாவது எண்ண வேண்டும். அந்த எண்ணத்துடனே தூங்கினால் இரவு முழுவதும் வான மண்டலத்தில் மிதப்பது போல் ஆனந்தமாக இருக்கும். காலையில் எழும் பொழுதும் ஒரு மகிழ்ந்த உணர்வு வரும். அன்றாடக் காரியங்கள் சீராக இருக்கும்.

சத்ரிய தர்மம்…!
நாம் நுகரும் உணர்வுகளே நம்மை ஆள்கிறது. ஒரு கக்கரவர்த்தி தன் ஆசைக்குகந்ததைத் தான் செயல்படுத்த விரும்புவான். ஒரு நாட்டின் மீது படையெடுக்க வேண்டாம்.. தனக்குக் கீழ் இருப்பவன் சொன்னால் அதை ஏற்க மாட்டான். எவன் அதைச் சொன்னானோ அவனை அகற்ற வேண்டும் என்று தான் ஆணையிடுவான். ஆக மொத்தம் சத்ரிய தர்மம் என்றால் மற்றதை அடக்கி ஆட்சி புரியும் நிலையே வருகிறது. நம் உயிரும் பத்தாவது நிலையை அடையக்கூடிய தகுதி பெற்றது தான். தசரதச் சக்கரவர்த்தி என்று இராமாயணத்தில் காட்டியுள்ளார்கள். இருந்தாலும் நமக்குள் நாம் நுகரும் உணர்வுகள் அனைத்தும் அதனதன் நிலைக்கே நம்மை ஆளத் தொடங்கினால் தீமைகளே விளைந்து விடும். அதை நாம் மாற்றிடல் வேண்டும் அல்லவா…!

நல்லவரா கெட்டவரா என்று அடுத்தவரை உற்றுப் பார்க்கலாமா…?
தினசரி வாழ்க்கையில் நாம் எத்தனையோ பேருடன் பழக நேர்கிறது. நல்லவரா கெட்டவரா என்று பார்க்கும் சந்தர்ப்பமும் உருவாகிறது. இருந்தாலும் அந்த உணர்வை அதிகமாக வளர்க்கத் தொடங்கினால் அவர்களுக்குள் எந்தத் தீமை இயக்குகிறதோ அது நமக்குள்ளும் இயக்கத் தொடங்கும். ஜோதிடம் பார்ப்பவர்களும் இதை வைத்துத் தான் அடுத்தவர் உணர்வைக் கவர்ந்து நடந்தவைகளை எல்லாம் சொல்வார்கள் ஆனால் நமக்கு அது தேவையில்லை. தீமையை நீக்கும் சக்தி தான் நமக்குத் தேவை. மற்றவர்களிடம் இருக்கும் குற்றங்களை அறிவதற்குப் பதில் அவர்கள் அதிலிருந்து விடுபடும் சக்தியை நாம் எடுத்துக் கொண்டால் நமக்குள் அந்தத் தீமைகள் வரவே வராது. தீமைகளையோ குற்றங்களையோ குறைகளையோ அறிந்து விலகிச் செல்லலாம். அதை வளர்க்கவே கூடாது. நல்லதாக வேண்டும் என்று உடனே அதைத் தூய்மைப்படுத்திக் கொள்ள வேண்டும்.

முன்னோர்களை விண் செலுத்தும் தியானப் பயிற்சியும் விளக்கமும்
அகஸ்திய மாமகரிஷிகளின் அருள் சக்தியும் துருவ மகரிஷிகளின் அருள் சக்தியும் துருவ நட்சத்திரத்தின் பேரருளையும் பேரொளியையும் சப்தரிஷி மண்டலத்தின் அருள் சக்தியையும் அதிகாலை துருவ தியானத்தில் வலுவாகச் சேர்த்துக் கொள்ள வேண்டும். பின் நம் முன்னோர்கள் மூதாதையர்களின் உடலை விட்டுப் பிரிந்து சென்ற உயிரான்மாக்களை அந்தச் சப்தரிஷி மண்டலத்துடன் இணையச் செய்ய வேண்டும். அவர்கள் பிற மனித உடலில் இருந்தாலும் அங்கிருந்து வெளியே வந்தவுடன் முன்னோர்கள் விபத்தில் இறந்திருந்தாலும் தற்கொலை செய்திருந்தாலும் கூட அவர்களை விண் செலுத்த முடியும். குடும்பத்தில் வரும் பரம்பரை நோயை அறவே அகற்ற முடியும். “முழுமையான விளக்கம்…”

தியான வாசகங்களும் ஓம் ஈஸ்வரா குருதேவா… பாடலும்
தியானத்தில் சொல்லப்படும் வாசகங்களும் சாமிகள் பாடிய அன்னையும் பிதாவும்… ஓ..ம் ஈஸ்வரா… குருதேவா பாடலும்

இராமலிங்க அடிகள் சொன்ன தத்துவம்
அருள் பெரும் ஜோதி தனிப் பெரும் கருணை என்ற நிலையில் பிறரை இம்சிக்காத நிலை நான் பெறவேண்டும். தீமையை நான் பார்க்கக் கூடாது தீமைகள் எனக்குள் வரக்கூடாது என்பதே அவருடைய பிரார்த்தனை. வேகா நிலை பெற்றுப் போகாப்புனல்… அதாவது மீண்டும் இன்னொரு உடலுக்குள் சென்று பிறக்கக்கூடாது என்றார். அன்று ஓட்டல் கிடையாது. ஆகவே தர்மசாலையை அமைத்து மக்களுக்கு உணவைக் கொடுத்து ஞானத்தைப் போதிக்கும் நிலையை ஏற்படுத்தினார். அதற்காகத்தான் அன்னமிட்டாரே தவிர அன்னதானம் செய்தால் புண்ணியம் என்று சொல்லவில்லை. மக்களுக்கு மெய் ஞானத்தைக் கொடுப்பதே உண்மையான தர்மம் என்றார்.

யாம் கொடுக்கும் அருள் பிரசாதம்
குரு அருள் உங்களுக்கு என்றும் உறுதுணையாக இருக்க வேண்டும் என்பதற்கே இந்தப் பிரசாதத்தைக் கொடுக்கின்றேன். அருள் மணங்கள் கமழும். எல்லோரும் அந்த அருள் ஞானப் பிரசாதத்தைப் பெறவேண்டும் என்று நீங்கள் வேண்டுங்கள். கோவிலில் போனால் நாம் எப்படி வணங்க வேண்டும் என்பதையும் நாம் முறைப்படுத்திடல் வேண்டும். எல்லோருக்கும் நாம் வழிகாட்டியாக இருக்க வேண்டும். மற்றவரைத் தள்ளிவிட்டு நாம் மட்டும் அருளைப் பெறவேண்டும் என்ற எண்ணத்தை விட்டு விடுங்கள். எல்லோரும் அந்த அருள் சக்தி பெற வேண்டும் என்று ஆசைப்படுங்கள். அதையே தியானியுங்கள்… தவமாக இருங்கள். அப்பொழுது நீங்கள் இருந்த இடத்திலிருந்தே எல்லா ஆற்றலையும் பெறும் தகுதி பெறுவீர்கள்.

எல்லோரும் நல்லவரே…!
இந்த உலக மக்கள் யாரும் தவறு செய்யவில்லை. அறியாத நிலைகளில்… சந்தர்ப்பத்தால் அவர்கள் உயர்ந்த பண்புகள் இழக்கப்பட்டு ஒளி நிலை பெறாதபடி ஆக்கி விடுகிறது. விஞ்ஞான நிலைகளும் இன்று இழி நிலைக்கே மனிதனை அழைத்துச் செல்கிறது. அதற்கு என்ன செய்ய வேண்டும்…? என்று உணர்த்தினார் ஈஸ்வரபட்டர். அதைச் செயல்படுத்தும் முன் உன் தாய் தந்தையரின் ஆசியை நீ பெற்று வா என்றார் குரு. அவர்கள் அருளால் தான் நீ அந்த மெய் ஞானத்தின் சக்தியைப் பெற முடியும் என்றார்.

வியாசர், ஆதிசங்கரர் வெளிப்படுத்திய தத்துவங்கள் எப்படி மறைந்தது…?
யாரையும் குறை காண வேண்டாம். அருள் உணர்வைப் பெருக்கினாலே போதும். மற்றவர்கள் நம்மைப் பற்றி என்ன நினைக்கின்றார்கள் என்பது தேவை இல்லை. அன்று வியாசர் வெளிப்படுத்திய கருத்துக்களை மந்திர ஒலிகளாக வேதங்களாக மாற்றி விட்டனர். ஆதிசங்கரர் கொடுத்த அத்வைதத் தத்துவத்தை ஏற்காத துவைதவாதிகள் அவருக்கு ஏவல் செய்தனர். ஆனால் அதிலிருந்து விடுபட்டார். இதே போல் தான் அப்பருக்கும் ஏவல் செய்தார்கள்.

இவர் மனிதரே இல்லை “ஒரு ரிஷிப் பிண்டம்”
ஒரு சமயம் ரிக் வேதம் கற்றுக் கொடுக்கும் வாத்தியார் நடந்து வந்து கொண்டிருக்கும் பொழுது அவர் குடுமியைப் பிடித்துத் தூக்கி அடிக்கத் தொடங்கினார் ஈஸ்வரபட்டர். ஏண்டா தப்புத் தப்பாக வேதத்தைச் சொல்கிறாய் என்று அவரை வாயில் வராத வார்த்தையைச் சொல்லித் திட்டினார். பின் ரிக் வேதத்தைச் சுருதி மாறாமல் மேலிருந்து கீழேயும் திருப்பிக் கீழிருந்து மேலேயும் அப்படியே பாடிக் காட்டினார் ஈஸ்வரபட்டர். மேலும் ஒவ்வொன்றும் எப்படி உருவாகிறது என்பதை ஆதியிலிருந்து விளக்கிக் கூறினார். அந்த வாத்தியார் அடியை வாங்கிக் கொண்டு பின் காலில் விழுந்து ஆசீர்வாதம் வாங்கிக் கொண்டு சென்றார். மறு நாள் என்னிடம் (ஞானகுரு) வந்து “இவர் ஒரு ரிஷிப் பிண்டம்… குருநாதராக நீங்கள் பெற்றது உங்கள் பாக்கியம்..” என்றார்.

சொர்க்க வாசல் என்பது எது…?
பரமபதம் என்று ஒரு விளையாட்டை ஞானிகள் உருவாக்கி மனிதன் விண்ணுலகம் செல்லும் மார்க்கத்தைத் தான் அதிலே காட்டினார்கள். சொர்க்க வாசல் என்பது அது நம் புருவ மத்தி வழி தான். அதிகாலையில் அருள் உணர்வுகளை எடுத்து குடும்பத்தில் உள்ளோர் அனைவரையும் ஒற்றுமையுடன் இணைந்து வாழச் செய்யவே புள்ளிகளை இணைத்துக் கோலமிடும் பழக்கங்களாக ஏற்படுத்தினார்கள் ஞானிகள். விளக்கைக் காட்டியதும் இருள் விலகுவது போல் இந்த வாழ்க்கையில் இருள் சூழச் செய்யும் நிலைகளிலிருந்து விடுபட விளக்கு பூஜை என்று வைத்தார்கள் ஞானிகள்.

அவனன்றி அணுவும் அசையாது – விளக்கம்
விண்ணின் ஆற்றலைக் கண்ணின் துணை கொண்டு பெற்றுப் பழகுங்கள். ஏனென்றால் கண்ணன் சங்கநாதம் ஊதிய பின் தான் குருக்ஷேத்திரப் போர். அருள் மகரிஷிகளின் அருள் உணர்வைச் சேர்த்து உங்கள் உயிருக்குள் குருக்ஷேத்திரப் போரை வழி நடத்துங்கள். உயிர் போய்விட்டால் உடனே இந்த உடல் சவமாகின்றது. சிறிது நேரமானால் நீசமாகின்றது. நீசமான உடலை எப்பொழுது அப்புறப்படுத்த வேண்டும் என்று தான் அப்பொழுது கேட்பார்கள். உயிர் இருந்தால் தான் மதிப்பு. ஆக எல்லோரும் அந்த உயிரைத் தான் மதிக்கின்றார்கள்… நீசத்தைப் பார்ப்பதில்லை. ஆகவே உங்கள் உயிரை மதித்து அருள் உணர்வை வளர்த்துப் பாருங்கள். அது உங்களுக்கு உயர்வைக் கொடுக்கும். அவனுடன் அவனாக நாம் ஒளியாகலாம்… வேகா நிலை பெறலாம். சாகாக்கலை நமக்கு வேண்டாம்.

அகக்கண் மூலம் எப்படித் தியானிக்க வேண்டும்…?
மகரிஷிகளின் அருள் சக்தியைப் பெற உங்களுக்குச் செடிகளுக்கு உரம் ஏற்றுவது போல் ஏற்றிக் கொடுக்கின்றோம். ஈஸ்வரபட்டர் எனக்கு அப்படித்தான் கொடுத்தார். காற்றிலிருந்து ஞானிகளின் அருள் உணர்வை எல்லோரையும் எடுக்கும் பயிற்சியைக் கொடுக்கச் சொன்னார். உயிர் வழி விண்ணிலிருந்து சக்தி எடுப்பது – பிராணாயாமம்

தர்மம் செய்வது எப்படி…? என்று ஈஸ்வரபட்டர் சொன்னது
உள் உணர்வில் ஈஸ்வரபட்டர் ஞானத்தின் உணர்வுகளை எனக்குள் பாய்ச்சினார். கரையான் உண்ர்வுகளையும் அதனின் மந்திர உணர்வுகளையும் உணர்த்தினார். காளி காட்சி தெரிந்தது வைர வைடூரியங்களையும் காட்டினார். பின் தர்மம் எப்படிச் செய்ய வேண்டும் என்று அனுபவபூர்வமாக உபதேசம் கொடுத்தார். எல்லோருடைய உயிரையும் கடவுளாக மதிக்க வேண்டும் ஈசன் வீற்றிருக்கும் அந்த ஆலயங்களைத் தூய்மைப்படுத்த வேண்டும் என்றார். இந்தச் சேவையை நீ செய் என்றார்.

ஆனைமலைக் காட்டில் யானைகளுக்கு மத்தியில் பெற்ற அனுபவம்
ஞானிகள் கொடுத்த தத்துவங்களை அரசர் காலத்தில் அரசனைப் புகழ் பாடி எப்படி மாற்றினார்கள் என்பதை ஈஸ்வரபட்டர் உணர்த்தினார். ரோட்டிலே வேகமாகச் சென்று கொண்டிருக்கும் பேருந்துக்குக் குறுக்கே இழுத்துச் சென்று அதிலே சில முக்கிய அனுபவத்தையும் கொடுக்கின்றார். அதே சமயத்தில் காட்டுக்குள் அழைத்துச் சென்று பல அனுபவங்களைப் பெறச் செய்கிறார் குருநாதர். அவர் கொடுத்த சக்திகளை நல்ல வழியில் எப்படிப் பயன்படுத்த வேண்டும் என்பதையும் உணர்த்துகிறார். யானைகளுக்கு மத்தியில் சிக்க வைத்து அதிலிருந்து தப்பும் வழியையும் காட்டினார் குருநாதர். நமக்குச் சக்தி இருக்கிறது என்ற நிலையில் மற்றவர்களைத் தாக்கும் உணர்வை நாம் செயல்படுத்தக்கூடாது என்பதை நிதர்சனமாகவே காட்டினார்.

பட்சியின் உணர்வுகள் தாக்கப்பட்டு வான்மீகி ஞானம் பெற்ற நேரடி சந்தர்ப்பம்
ஒரு பட்சியை வீழ்த்திய வான்மீகியால் இரண்டாவது பட்சியை வீழ்த்த முடியாததன் காரணம் என்ன…? அதனின் பாச உணர்வு வான்மீகிக்குள் செயல்பட்டது எப்படி…? அகஸ்தியன் உணர்வை நுகரும் சந்தர்ப்பம் எப்படிக் கிடைத்தது…? இராமனைப் பற்றி எண்ணுகிறோம் ஆனால் வான்மீகி வெளிப்படுத்திய உட்பொருளை நாம் அறியவில்லை. ஈஸ்வரபட்டர் இதை எல்லாம் தெளிவாக்கினார்.

அகஸ்தியன் நடந்து சென்ற இடங்களில் உள்ள சக்திகள்
பாபநாசம் இமயமலை வட துருவம் தென் துருவம் எல்லாம் சுழன்று வந்தவர் “அகஸ்தியர்…” அவருடைய ஆற்றல்களைப் பெறும்படி செய்தார் ஈஸ்வரபட்டர்.அகஸ்தியர் தம் உணர்வுகளை ஒளியாக மாற்றி இன்றும் துருவ நட்சத்திரமாக உள்ளார். அவரைப் பின்பற்றியவர்கள் சப்தரிஷி மண்டலமாக உள்ளார்கள்.

பித்தராக இருந்த ஈஸ்வரபட்டர் என்னை ஆட்கொண்ட முறை
என் (ஞானகுரு) மனைவியைக் காப்பாற்றினார் குருநாதர். அதன் வழி அவரை நான் நம்பினேன். தெய்வங்களைப் பற்றி உணர்த்தினார். அதே சமயத்தில் வாழும் மனிதர்கள் எல்லோரும் சாப அலைகளில் சிக்கி எப்படிச் சிரமப்படுகிறார்கள்..? மீண்டும் மீண்டும் உடல் பெறும் நிலைகளையும் சாகாக்கலையைப் பற்றியும் உணர்த்தினார்.

உடலுக்குள் இருக்கும் அனைத்திற்கும் உயிரே “குரு…”
உயிரான குருவின் துணை கொண்டு அந்த மாமகரிஷிகளின் அருள் சக்திகளை நாம் எளிதில் பெறலாம். ஏனென்றால் படைக்கப்பட்ட காவியங்கள் அனைத்திலுமே இந்தப் பேருண்மை காட்டப்பட்டுள்ளது.

ஓ…ம் ஈஸ்வரா… குருதேவா… என்னை ஆட்கொண்டருள்வாய் கருணைஸ்வரூபா…!
உயிருடன் நாம் இணைந்திட… உயிர் வேறல்ல நாம் வேறல்ல..! என்ற நிலையை அடைந்திட… ஈஸ்வரபட்டர் கொடுத்த பாடலும் விளக்கமும்

கூட்டுத் தியானத்தின் சக்தி சாதாரணமானதல்ல…!
ஒரு தேரை பலர் சேர்ந்து இழுத்துச் செல்வது போல் நாம் பெறும் சக்தியை எல்லோரும் பெறவேண்டும் என்று மானசீகமாக எண்ணினால் மகரிஷிகளின் அருளை எளிதில் பெறும் தகுதியை நாம் பெறுகின்றோம். மகரிஷிகளுடன் நாம் ஒன்றுகின்றோம்.

குருநாதர் எமக்கு எப்படிச் சக்தி கொடுத்தார் ஞானகுரு
ஈஸ்வரபட்டர் அவர் பெற்ற… அவர் கண்டுணர்ந்த மெய் உணர்வுகளை…என்னை (ஞானகுரு) அடித்து உதைத்துத் தான் கொடுத்தார். துன்பத்தை ஏற்படுத்தி உண்மைகளை உணரச் செய்தார். ஆனால் உங்களுக்குத் துன்பம் வரும் பொழுது இந்த உபதேசத்தின் உணர்வுகளை நினைவுக்குக் கொண்டு வாருங்கள் என்று சொல்கிறோம். அப்பொழுதெல்லாம் உங்களால் அந்த மகரிஷிகளின் ஆற்றல்களை நிச்சயம் பெற முடியும் என்று உறுதியாகக் கூறுகின்றோம்

துன்பம் வந்தால் அதை உடனடியாக நீக்கும் சக்தி கொடுக்கின்றோம்
திரும்பத் திரும்ப உங்களுக்குள் மகரிஷிகளின் அருள் உணர்வை ஆழமாகப் பதிவு செய்து கொண்டேயிருக்கின்றோம். துன்பத்தை மாற்றி இன்பமாக்கும் சக்தியைத்தான் உங்களுக்குள் பதிவு செய்கிறோம். ஈஸ்வரா என்று புருவ மத்தியில் எண்ணினாலே உங்களுக்கு அந்தச் சக்தி கிடைக்கும்படி செய்கிறோம் – ஞானகுரு

முரடனாக இருந்த வான்மீகி எப்படி ஞானியாக மாறினான்…?
ஈஸ்வரபட்டர் எம்மைக் (ஞானகுரு) காட்டுக்குள் அழைத்துச் சென்று பல அனுபவங்களைக் கொடுத்தார். அங்கே வைத்து வான்மீகி ஞானம் பெற்றதையும் உணர்த்தினார். ஒரு பட்சியின் ரூபமாகப் பாச உணர்வு கொண்டு மனிதனின் இருளைப் போக்கிக் காக்கும் உணர்வை எப்படிப் பெற்றான்… ஞானியாக மாறியது எவ்வாறு…? என்றார் குருநாதர்.

உயிர் எப்படிக் கடவுள் ஆகின்றது…?
உயிரை நாம் நேசிக்க வேண்டும்… மதிக்க வேண்டும் என்று ஈஸ்வரபட்டர் எனக்கு (ஞானகுரு) உணர்த்தினார். மேலும் எந்த மந்திரங்களையும் சொல்லாதே என்றும் தெளிவாக்கினார். அருள் உணர்வைப் பெற்று உயிருடன் ஒன்றி ஒளியாக வேண்டும் என்றார்.

ஆத்ம சுத்தி உபதேசம்
தீமையை நீக்கும் அருள் உணர்வுகளை உங்களுக்குள் ஆழமாகப் பதிவு செய்கின்றோம். இந்தப் பதிவை மீண்டும் எண்ணினால் உங்களுக்கு அந்த ஆத்ம சுத்தி செய்யும் வலு கூடும்.

கௌரவமாக வாழ்ந்த எனக்குக் குருநாதர் கொடுத்த உபதேசம்
தீமைகளைப் பிளக்கும் ஆற்றலை எம்மைச் “சாக்கடையின் அருகில் அமர வைத்துத்தான்” ஈஸ்வரபட்டர் கொடுத்தார். இந்தக் காற்று மண்டலத்தில் மறைந்துள்ள மெய் ஞானிகளின் உணர்வுகளை எப்படி நுகர வேண்டும்…? உயிருடன் ஒன்றி ஒளியாக எப்படி நிலைத்திருக்க வேண்டும்…? என்பதையும் தெளிவாக உணர்த்தினார் குருநாதர்.

போகர் பெற்ற தாவர இன மூலிகைகளின் ஆற்றல்கள்
ஒவ்வொரு தாவர இனச் சத்தையும் நுகர்ந்தறிந்தவன் போகன். அந்த ஆற்றலையும் தனக்குள் பெருக்கிக் கொண்டான். அகஸ்தியன் பெற்ற சக்திகளைப் போகன் பெற்றுத் தன் உயிரான்மாவை ஒளியாக மாற்றினான். அவன் பெற்ற ஆற்றலை நாமும் பெறுதல் வேண்டும்.

அகஸ்தியன் தாய் தந்தையர் செயல்படுத்திய நோய் நீக்கும் ஆற்றல்கள்
பல இலட்சம் ஆண்டுகளுக்கு முன் வாழ்ந்த அகஸ்தியன் தாய் தந்தையர் பல தாவர இன மூலிகைகளையும் நஞ்சினை வென்றிடும் அற்புத பச்சிலைகளையும் அறிந்தவர்கள். அதை வைத்து அக்கால மக்களின் நோயை நீக்கினார்கள். நோயை நீக்கி மகிழ்ச்சி அடையச் செய்தார்கள். அந்த மகிழ்ச்சியைத் தங்களுக்குள்ளும் வளர்த்துக் கொண்டார்கள். அந்தத் தாய் தந்தையருக்கு ஆற்றல் கொண்ட குழந்தையாக உருவானவர் தான் அகஸ்தியர்.

குரு விண் சென்ற உணர்வு
குருநாதர் (ஈஸ்வரபட்டர்) ஒளியின் சுடராக மாறி யாருடைய ஈர்ப்பிலும் சிக்காது நான் எப்படி விண் செல்கிறேன் பார் என்று என்னைக் (ஞானகுரு) காணும்படிச் செய்தார்.

விஞ்ஞான உலகிலிருந்து மீண்டு கல்கி செல்லும் வழி
மாமகரிஷி ஈஸ்வராய குருதேவர் விண் சென்ற உணர்வுகளை எடுத்து வளர்த்துக் கொண்டு விஞ்ஞான உலகில் வந்த விஷத்தன்மைகளை வென்று ஒளியின் சரீரம் பெற்று விண்ணுலகம் செல்ல வேண்டும்.

நரசிம்ம அவதாரம் விளக்கம்
கெட்டதை வகுந்து நல்லதை நாம் உருவக்க வேண்டும். தீமைகள் வரும் பொழுது நாம் நரசிம்ம அவதாரமாக ஆக வேண்டும். தீமை செய்பவர்களை வீழ்த்த அல்ல..! தீமையான உணர்வுகளைப் பிளத்தல் வேண்டும்.

பல எண்ணங்கள் பலராமன் அவதாரம்
பல எண்ணங்களில் சுழலும் நாம் அதைச் சமப்படுத்திச் சீராக்க வேண்டும். அதற்கு ஒரு சக்தி தேவை. அதை அறிதல் வேண்டும்

உடல் என்ற கூட்டை விட்டு நாம் எப்படி விண் செல்ல வேண்டும்…?
பட்டுப் புழு கூட்டைக் கட்டி அதிலிருந்து விடுபட வலுவான எண்ணங்களை எடுத்துப் பறக்கும் இறக்கைகள் முளைத்து பறக்கும் பூச்சியாக வருகின்றதோ அதைப் போல் எந்த அருள் ஞானியின் உணர்வைச் நாம் சேர்க்கின்றோமோ அவன் உணர்வு கொண்டு பிறவியில்லா நிலையை அடைய முடியும்.

இன்றைய உலகில் தலைக்கு மேல் கத்தி தொங்குவது போல் தான் வாழ்க்கை உள்ளது
விஞ்ஞானத்தின் வளர்ச்சியாலும் அதற்கு நாம் அடிமைப்பட்டு வாழ்வதாலும் மனிதர்கள் ஒருவருக்கொருவர் தாக்கி அழித்திடும் நிலையே உள்ளது. உலகில் உள்ள மதங்கள் மக்களை நல்வழியில் நடக்க வேண்டும் என்று போதித்தாலும் அதை யாரும் கடைப்பிடிப்பதில்லை.

தெய்வங்கள் காட்சி தருமா…? அதனின் உண்மைகள் என்ன…?
பல பக்தி கொண்டவர்களின் உணர்வுகளை நாம் நுகரப்படும் பொழுது அதனின் அலைகள் நமக்குள் படமாகவும்… பேசுவது போலவும் காட்சிகள் தெரியும்.

காலையில் எழுந்ததும் செய்ய வேண்டிய தியானம்
காலையில் கண் விழித்ததும் அருள் மகரிஷிகளின் உணர்வை ஒரு பத்து நிமிடம் எடுத்துப் பாருங்கள். தீமைகளிலிருந்து விடுபடும்பல அற்புத சக்திகள் உங்களுக்குள் உருவாகும்.

நீங்கள் ஒவ்வொருவரும் அகஸ்தியராக மாறவேண்டும்… மாற முடியும்..!
மனிதனுடைய கடைசி எல்லை எது…? அழியாப் பேரின்பச் சொத்து எது…? அந்த எல்லையைத் தெரிந்த ஞானிகள் நாம் அனைவரும் எதைப் பெறவேண்டும் என்று ஆசைப்படுகிறார்கள்…? உடலை விட்டுப் பிரியும் ஆன்மாக்களை விண் செலுத்தி நாமும் விண் செல்ல வேண்டும்.

உடலை விட்டுப் பிரிந்து சென்ற கணவரின் உயிரான்மாவை விண் செலுத்தும் முறை
கணவர் நம்முடன் இல்லையே என்று எண்ணக் கூடாது. அகஸ்தியன் அவர் மனைவியுடன் ஒரு உயிரும் ஒன்றி வாழ்வது போல் நாங்கள் வாழ வேண்டும் என்று எண்ணுதல் வேண்டும். நமக்கு அழியாச் சொத்து அது தான்…!

நாரதன் என்ற உணர்வின் இயக்கம்
தீமை செய்பவர்களுக்கு நாம் அருள் உணர்வைப் பாய்ச்சினால் அங்கே பகைமையை அகற்றச் செய்யும். உண்மையை உணர்த்தும்.

புரை உணர்வின் இயக்கம்
சந்தேக உணர்வினால் ஏற்படும் பகைமை உணர்வுகளை நாம் எப்படி மாற்ற வேண்டும்…?

வாழ்க்கையில் வரும் சோர்வைப் போக்கும் வழி
நம்முடைய சுவாச உணர்வுகளால் உடலுக்குள் சில உபாதைகள் ஏற்படுகின்றது. சில உயிரினங்கள் வீட்டுக்குள் உருவாகும் நிலையும் ஏற்படுகின்து. அதை மாற்ற வேண்டும் என்றால் மகரிஷிகளின் அருள் உணர்வு கொண்டு இப்படித்தான் (நல்லதாக) இருக்க வேண்டும் என்று வலுப்படுத்த வேண்டும்…?

நம் உடலில் இருக்கும் 5 6 லிட்டர் இரத்தத்தைப் பரிசுத்தமாக வைக்க வேண்டும்
நம் உடலில் உள்ள இரத்தங்களில் நட்பு கொண்ட உணர்வுகளை உருவாக்க வேண்டும். அதனால் தான் இராமன் குகனை முதலில் நட்பாக்கிக் கொண்டான் என்று வான்மீகி – இராமாயணத்தில் குறிப்பிடுள்ளார்.

துருவ தியானத்தில் கவரும் சக்தியின் விளக்கம்
அகஸ்தியன் பெற்ற அருள் மணங்களைக் கவருங்கள். துருவ நட்சத்திரத்தின் சக்தியையும் சப்தரிஷி மண்டலங்களின் சக்தியையும் கவருங்கள். அந்த நேரத்தில் கிடைக்கும் சக்தியைப் பற்றி விளக்கமாகத் தெரிந்து கொள்ளுங்கள்

இராமகிருஷ்ண பரமகம்சரும் விவேகானந்தரும் ஞானம் பெற்ற நிலைகள்
இராமகிருஷ்ணர் பெற்ற ஆற்றல்கள் எப்படிப்பட்டது…? விவேகானந்தர் அவரிடம் கடவுளைப் பற்றி எப்படித் தெரிந்து கொண்டார்….? சில அகோரிகளின் செயல்கள்

நாடி சாஸ்திரத்தின் உண்மை நிலைகள்
அகஸ்தியர் நாடி விசுவாமித்திரர் நாடி என்றும் மந்திரங்களைச் சொல்லி யாகம் வளர்ப்பதும் போன்ற நிலைகள் பற்றிய தெளிவான விளக்கம்

வியாசர் சக்தி பெற்றதும் அத்திரி பிருகு புஜண்டகர் அவர்களின் நிலையும்
அகஸ்தியர் பெற்ற உண்மைகளை வியாசர் எப்படிப் பெற்றார்..? அவர் ஞானம் பெற்ற சந்தர்ப்பம் எது…? அவர் கண்டதை பின் வந்த பிருகு எப்படிப் பெற்றார் என்ன ஆனார்…?

துருவ நட்சத்திரத்துடன் ஐக்கியமாகுங்கள்

சிவன் ராத்திரி

அகஸ்திய மாமகரிஷி -1

ஓசோன் திரையை அடைக்க முடியும்
(துருவ வழியில் மகரிஷிகளின் உணர்வைக் கவர்ந்து ஓசோன் ஓட்டையை அடைக்க முடியும்)

துருவ நட்சத்திரம் – மின்னல் – 27 நட்சத்திரம்
ஒரு நொடிக்குள் உணர்வை ஒளியாக்கும் துருவ நட்சத்திரத்தின் ஆற்றல். இருளை நீக்கி ஒளி ஒளி பெறும் ஆற்றல்

புருவ மத்தி தியானம் – THIRD EYE
புருவ மத்தியில் துருவ நட்சத்திரத்தை எண்ணி தீமைகள் புகாது அடைத்துப் பழக வேண்டும்.

போஸ்ட் கம்பியில் கல்லைத் தட்டுகிறார் குருநாதர்
எல்லோரும் நல்லவராக வேண்டும் என்ற பித்து எனக்கு என்று சொல்கிறார் குருநாதர்

முருகன் சிலையை போகர் உருவாக்கிய உண்மையின் நிலைகள்




நாம் எடுக்க வேண்டிய உறுதிமொழி
மகரிஷிகளின் துணை கொண்டு அருள் ஒளியின் சுடரை நமக்குள் உருவாக்க வேண்டும்.

அகக்கண் தியானம்
உட்கார்ந்த இடத்திலிருந்தே அகண்ட அண்டத்தை அறிந்த அகஸ்தியனின் ஆற்றலைப் பெறும் தியானம்

தியானம் செய்ய வேண்டிய முறை
எந்த இடத்திலும் எந்தச் சூழ்நிலையிலும் இந்தத் தியானத்தைச் செய்ய முடியும். ஆற்றல்மிக்க சக்திகளை நமக்குள் சேர்த்து நம்மை நாம் காத்திடும் தியான பயிற்சி

தீமையை நீக்கும் சக்தி
தீமை வரும் போது நம் ஆன்மாவைச் சுத்தப்படுத்தி தீமைகளைப் பிளக்கும் ஆற்றல்

ஒளி நிலை தியானம்
ஒளிப் பிளம்பாக நீங்கள் மாற முடியும். உங்கள் ஆன்மா ஒளியாக மாறும். உங்களைச் சுற்றி ஒளி வட்டம் பெருகும்.அழியா ஓளிச் சரீரம் பெறுங்கள்.

மின்சார தியானம் – நோய் நீக்கும் ஆற்றல்
உங்கள் உடலில் சர்க்கரைச் சத்தோ இரத்தக் கொதிப்போ வாத நோயோ, ஆஸ்மா நோயோ மூல நோயோ, இருதய நோயோ இதைப் போன்று இருந்தால் அதில் எல்லாம் மகரிஷிகளின் அருள் சக்தி மின்சாரம் பாய்ந்தது போலப் பாய்ந்து அந்த உறுப்புகள் சீராக இயங்கத் தொடங்கும்.

பிராணாயாமம்
“தம் கட்டி” துருவ நட்சத்திரத்தின் உணர்வுகளை சுவாசத்தின் மூலமாக நம் உடலில் எல்லா அணுக்களையும் பெற்ச் செய்யும் தியானம்.
தீமைகளை நீக்கலாம், எத்தகைய கொடிய நோயையும் நீக்கலாம், ஒளிசக்தியைக் கூட்டலாம், துருவ நட்சத்திரத்துடன் ஒன்றி வாழலாம்

சப்தரிஷிகள்
சப்தரிஷிகள் உபதேசித்து உணர்த்திய அருள் வழி எங்கள் வாழ்க்கையில் நாங்கள் கடைப்பிடித்திட அருள்வாய் ஈஸ்வரா

என்னைக் “கூடிய சீக்கிரமே.. பார்ப்பாய்…!” என்றார் மாமகரிஷி ஈஸ்வராய குருதேவர்

உடலிலுள்ள இரத்தத்தைப் பரிசுத்தப்படுத்தும் தியானம் (DIALYSIS)

உயிர் வழி சுவாசம்