தங்கம் செய்யும் வித்தைக் காட்டிவிட்டு அதன் பின் உன் மனதைத் தங்கமாக்குடா போடா…! என்றார் குருநாதர்

Golden heart

தங்கம் செய்யும் வித்தைக் காட்டிவிட்டு அதன் பின் உன் மனதைத் தங்கமாக்குடா போடா…! என்றார் குருநாதர்

 

காட்டுக்குள் கூட்டிக் கொண்டு போய் என்னைத் தங்கம் செய்யச் சொன்னார் குருநாதர். பாதரசம் ஈயம் காரீயம் இதை எல்லாம் கொண்டு வரச் சொன்னார். ஒரு இரும்புக் கரண்டியையும் கொண்டு வரச் சொன்னார்.

எல்லாம் போட்டு அதிலே அதிலே பாஷாணக் கல்களைப் போட்டவுடனே தண்ணீராகக் கரைகிறது. ரசமாக மாறி குழம்பு மாதிரி ஆகிவிடுகிறது.

அது குழம்பு மாதிரி ஆன பிற்பாடு அங்கே இருக்கிற குப்பை செத்தை எல்லாவற்றையும் போட்டு எரிக்கச் சொன்னார். அது எரித்தவுடனே அதிலே இருக்கக்கூடிய அழுக்குகள் எல்லாம் ஆவியாகப் போய்விடுகிறது.

அதிலே பாதரசம் மாதிரி மிஞ்சுகிறது, பல பொருள்களும் அது வேக வேக இந்த உணர்வுகள் அதிகமாகிறது. கடைசியில் “இது எப்படிடா இருக்கிறது…?” என்று கேட்டார் குருநாதர்.

நெருப்பிலே இருந்தால் எப்படி இருக்கும்..? அது பளீர்…! என இந்த நெருப்பு மாதிரியே தெரிந்தது.

எப்படிடா இருக்கிறது…? என்றார்.

தக…தக…! என்று இருக்கிறது என்று சொன்னேன்.

என்னடா…! தக…தக…? என்று சொல்லி எனக்கு இரண்டு அடி கொடுத்தார். அவர் எப்படி இருக்கிறது என்று கேட்கக் கேட்க நான் தக…தக…! என்று சொல்லிக் கொண்டேயிருந்தேன்.

தக…தக…! என்றால் என்ன…? என்றார்.

தங்கம் மாதிரி இருக்கிறது….! என்றேன்.

தூ……! என்று துப்புடா… போட்டு விட்டார். தூ…! என்று அவர் துப்பினார். இது எனக்குத் தெரியாது. தூ…! என்று உமிழ் நீரைத் துப்பி அதாவது
1.தங்கம் மாதிரி இருக்கிறது என்று சொல்லச் சொல்லி விட்டு
2.அந்த உணர்வை எடுத்து அது மேலே துப்புகின்றார்.

மூடுடா…! என்றார். அப்புறம் பார்த்தால் தங்கக் கட்டியாக இருக்கிறது. இதிலே இத்தனை வேலை இருக்கிறது. ஏனென்றால் ஒவ்வொன்றையும் சொல்லச் சொல்லி அந்த உணர்வை எல்லாம் எனக்குள் ஊட்டி ஒவ்வொரு அறிவையும் கொடுக்கிறார்.

தங்கத்தைக் கொண்டு போய் கடையில் விற்று வா என்றார் குருநாதர். நகைக் கடை ஆசாரி ஒருவரிடம் கொடுத்ததும் அவர் உரசிப் பார்த்தார்.

அட… அட… அடா…! நைனா… கிடைத்துவிட்டது கிடைத்துவிட்டது…! அவருக்கு வார்த்தையே வர மாட்டேன் என்கிறது. நீங்கள் இதை எதிலே செய்தீர்கள்…? எப்படிச் செய்தீர்கள்…! என்று கொஞ்சம் சொல்ல வேண்டும். பெரிய கட்டிடமாகவே கட்டிவிடலாம் என்று சொல்கிறார்.

நீ கிழவனுடன் (ஈஸ்வரபட்டருடன்) சேர்ந்து சுற்றிக் கொண்டு இருக்கும் போதே எனக்குத் தெரியும் என்று சொல்கிறார் அந்த ஆசாரி. இன்னும் கொஞ்சம் செம்பை அதிலே சேர்க்க வேண்டும் என்று சொல்லிவிட்டு நீ எவ்வளவு வேண்டுமானாலும் கொண்டு வா நான் வாங்கிக் கொள்கிறேன் என்கிறார். அதை விற்று வந்துவிட்டேன்.

ஏனென்றால் குருநாதர் தங்கம் செய்ய என்னென்ன வேலை செய்தார்…? என்று
1.தங்கம் மாதிரி இருக்கிறது என்று சொல்லி
2.அந்த உணர்வுக்குண்டான கலவைகள் என்னென்ன…?
3.அதைச் சொல்லும் பொழுது என்னென்ன உமிழ்நீர்கள் சுரக்கிறது…? எனக்கு அந்த உணர்வை ஊட்டுகிறார்.

ஏனென்றால் பல கோடித் தாவர இனங்களையும் சாப்பிட்டு விட்டுத் தான் இன்று மனிதனாக வந்து இருக்கிறோம். அதில் எதை எதைக் கலக்க வேண்டும்…? என்று உணர்த்தி அந்த உமிழ்நீரை அதில் துப்பும்படிச் சொல்லி அதில் பட்டவுடனே எப்படித் திரவகத்தை ஊற்றியதும் நிறங்கள் மாறுமோ அது மாதிரி அங்கே உயர்ந்த தஙகமாகிறது.

இப்படி அனுபவபூர்வமாகச் செய்து காட்டினார் குருநாதர்.

(ஆனால் மற்றவர்கள் தங்கம் செய்கிறேன் என்று சொல்லிக் கொண்டு பாதரசத்தையும் பச்சிலைகளையும் உருட்டிப் பிரட்டி என்னென்னமோ செய்து பார்க்கிறார்கள். கடைசியில தங்கத்தையும் கலக்கின்றார்கள். எல்லாம் முடிந்ததும் பார்த்தால் போட்ட தங்கம் மட்டும் இருக்கிறது மற்ற எல்லாம் கரைந்து போய்விடுகிறது. தங்கம் செய்வதைக் கொஞ்சம் காட்டிக் கொடுங்கள். உங்களுக்குக் கோவிலையே கட்டிவிடலாம் என்று எமக்குப் (ஞானகுரு) பின்னாடி சுற்றியவர்கள் ஏராளம் பேர்)

அப்புறம் குருநாதர் எப்படிச் செய்தாரோ அதே போல் நானும் முயற்சி செய்தேன். அவர் எங்கெங்கே போய் குப்பை செத்தை எல்லாம் அள்ளச் சொன்னாரோ மறுபடியும் நான் அதை எடுத்தேன்.
1.எல்லாம் செய்து அவர் சொன்ன மாதிரி அந்த உணர்வு கொண்டு தூ……! என்று துப்பினேன்.
2.இரண்டாவது தரம் தங்கமாகிப் போனது…!

நகைக் கடைக்குக் கொண்டு போனவுடனே அந்தக் கட்டியைப் பார்த்தவுடனே துள்ளுகிறார்கள். அடடா…! தினம் இவ்வளவு கொண்டு வந்து கொடுத்தால் போதும்…! என்கிறார்கள்.

அப்புறம் என்னை விரட்டி விரட்டிப் பிடித்தார் குருநாதர்.
1.அவன் ஆசையை ஊட்டி விட்டு உனக்கு யோசனை சொல்கிறான்.
2.”நீ உன் மனதை தங்கமாக்க வேண்டும்…!” என்று நான் சொன்னால்
3.நீ இதைப் போய்த் தங்கமாக்குகிறாயே…!
4.அவன் ஆசையை ஊட்ட நீ தங்கத்தைச் செய்ய எங்கேடா போகிறாய்…?
5.உன்னுடைய ஒவ்வொரு உணர்வும் அது மங்காத நிலைகளுக்கு
6.அந்தத் தங்கம் போல் உருவாக்க வேண்டும் என்பதற்குத் தான் இதைச் செய்யச் சொன்னேன்..! என்று தெளிவாக்கினார் குருநாதர்.

சாதாரணமாக நான் கற்றுக் கொள்ளவில்லை. ஒவ்வொன்றிலேயும் அடி வாங்கித் தான் கற்று வந்தேன். சொல்வது அர்த்தம் ஆனதா…?

முதலில் தங்கத்தை விற்றதற்கு ஒன்றரை ரூபாய் கொடுத்தார். இரண்டாவது கொடுக்கும் போது… சுத்தமாகவே நீ பொய் பேசினாய்… ஏமாற்றினாய் அதனால் உனக்குக் காசில்லை… போ…! என்று விற்ற காசு எல்லாவற்றையும் வாங்கி கொண்டு விட்டார்.

அது மட்டுமல்ல. அடி வேறு கொடுத்தார்.
1.நீ திருடன்டா…! என்கிறார்.
2.தங்கம் செய்துவிட்டு ஏமாற்றித் தப்பி ஓடலாம் என்று பார்க்கிறயா…?
3.நீ உன் மனதைத் தங்கமாக்குடா… போடா…….!

எலும்புருக்கி நோய் (T.B.) வராது தடுத்துக் கொள்ளுங்கள்

lungs protection

எலும்புருக்கி நோய் (T.B.) வராது தடுத்துக் கொள்ளுங்கள்

 

நம்மிடம் நல்ல குணம் இருக்கின்றது. இரக்க குணத்துடன் வேதனைப்படுவோர் உணர்வுகளை எல்லாம் நாம் நுகர்ந்தவுடன் இங்கே வந்து விடுகின்றது.

வந்தவுடன் அது நம் உடலிலுள்ள நல்ல அணுக்களை என்ன செய்கிறது…? நல்ல அணுக்கள் அதனின் உணர்வை எடுக்க முடியவில்லை. ஆனால் அந்த நல்ல உணர்வுகளால் தான் நம் உடல் வளர்ந்து இருக்கிறது.

வேதனை அணுக்கள் பெருகிய பின் ஈரல்களிலோ தசைகளிலோ அந்த செல்கள் மாற்றம் ஆகும். இது வளர்ச்சி கண்டவுடனே இது அணுவாக மாறி விடும். நல்ல செல்கள் மடிந்து விடுகின்றது.

ஆகவே வேதனை என்ற அணுக்கள் ஆக்கிரமிப்பு செய்தவுடனே அதனால் உருவாக்கப்பட்ட தசைகள் வளரும். அதனால் டி.பி. போன்ற நிலைகள் உருவாகின்றது.

அதைத் தடுக்க வேண்டும் என்றால் விஞ்ஞான அறிவு கொண்டு ஸ்ட்ரொப்டொமைசின் (STREPTOMYCIN) போன்ற இதற்கு எதிர்மறையான அணுக்களை உடலுக்குள் செலுத்துகின்றார்கள். இதனுடைய மலத்தை அதிகமாக்கப்படும் போது டி.பி.யினால் உருவான அணுக்களுக்கு எதிர் நிலையாகின்றது.

ஒன்று இரண்டு தொக்கி இருக்கக்கூடிய அணுக்கள் என்ன செய்கின்றது…? அதற்கு நீங்கள் ஆகாரம் கொடுத்தீர்கள் என்றால் அந்த அணுக்கள் வளைகின்றது. இல்லை என்றால் எலும்பை உருவாக்கிய அணுக்கள் அதிகமாக மடிந்து விட்டதென்றால் ஒன்றும் செய்ய முடியாது.

எலும்பு மிகவும் நலிந்து போனதென்றால் ஒன்றும் செய்ய முடியாது. பூராம் தவிடு மாதிரி ஆகிப்போகும்.

மருந்து கொடுக்கின்றார்கள் என்றால் நம் உடலில் போய் இது புது அணுவாக உருவாகும். அதற்கு எதிர்மறையானால் டி.பி. அணு வளர்ச்சியைக் குறைக்கும். இப்படித் தான் சில மாற்றங்களாகி அதற்குத்தக்க வேறு சத்துள்ள அணுக்களைக் கொடுத்து இந்த அணுக்களை உரு மாற்றச்செய்வது.

டி,பி, வந்தவர்கள் முதலில் ஒல்லியாக இருப்பார்கள். இந்த மருந்து சாப்பிட்டவுடனே புஷ்ஷ்ஷ்,,,, என்று உப்பிப் போவார்கள். இந்த நோயால் இருக்கப்படும் போது இந்த உணர்வினுடைய ரூபங்களே வேகமாக மாறும்.

ஆனால் அதிலே சரியான ரத்தச் சத்து இருக்காது. அந்த அணுக்களின் வளர்ச்சியினால் மொத்த உடலுமே உப்புசமாக வந்து விடுவார்கள். அப்புறம் அதை அடக்குவதற்குச் சில வித்தியாசமான நிலைகளில் வரும்.

ஆகவே ஒரு உணர்வின் அணுக்கள் வளர்ச்சி பெறப்படும் போது மற்ற அணுக்களை மாற்றி அதற்குத் தக்க அதனுடைய மலம் நம் சரீரம் ஆகிறது.

வேதனை வேதனை என்று வேதனையைச் சுவாசித்தால் சுவாசப்பைகளில் விஷத் தன்மை கொண்ட அணுக்கள் படர்ந்து அது நுரையீரலை வலு இழக்கச் செய்கின்றது. சுவாசித்த உணர்வுகள் உமிழ் நீராகி குடல் பாகங்களையும் பாதிக்கின்றது.

இதை எல்லாம் மாற்றிக் கொள்வதற்கு நாம் எப்படித் தியானம் செய்ய வேண்டும்…?

துருவ நட்சத்திரத்தின் பேரருளும் பேரொளியும் எங்கள் நுரையீரல் முழுவதும் படர்ந்து நுரையீரலை உருவாக்கிய அணுக்கள் அனைத்தும் துருவ நட்சத்திரத்தின் பேரருளும் பேரொளியும் பெற அருள்வாய் ஈஸ்வரா என்ற உணர்வின் தன்மையைச் சுவாசித்து உங்கள் சுவாசப்பைக்குள் செலுத்துங்கள்.

நுரையீரலை உருவாக்கிய அணுக்கள் அனைத்தும் துருவ நட்சத்திரத்தின் பேரருளும் பேரொளியும் பெற வேண்டும் என்று உங்கள் கண்ணின் நினைவினை நுரையீரலுக்குள் செலுத்தி அதை வீரியமடையச் செய்யுங்கள்.

உங்கள் சுவாசத்தைச் சீராக இயக்கும் அந்த அணுக்களை வீரியமாக்கி தெளிந்த உணர்வின் தன்மையை அது உங்களுக்குள் பெறக்கூடிய தகுதி பெறச் செய்வதே இந்தத் தியானம்.
1.நுரையீரல் இப்பொழுது நல்ல உற்சாகம் அடையும்
2.சளி இருந்தாலும் அது குறையும்.
3.ஆஸ்த்மா இருந்தாலும் அல்லது டி,பி இருந்தாலும் கேன்சருக்குண்டான அணுக்கள் இருந்தாலும் அதையெல்லாம் மாற்றி
4.நுரையீரலைத் தெளிவாக்கும் தன்மை வருகின்றது.

டி.பி. உள்ளவர்கள் துருவ நட்சத்திரத்தின் பேரருள் பேரொளி எங்கள் உடலிலுள்ள எலும்புகள் முழுவதும் படர்ந்து எலும்பை உருவாக்கிய அணுக்கள் அனைத்தும் அந்தத் துருவ நட்சத்திரத்தின் பேரருள் பேரொளி பெறவேண்டும் என்று நாளைக்கு ஒரு ஐம்பது தடவையாவது செய்ய வேண்டும்.

இந்த எண்ணத்தை ஏங்கி வலுப் பெறச் செய்தால் டி.பி நோய் வராது நிச்சயம் தடுக்க முடியும்.